ზაზა სარალიძეს პირდაპირ სილა გააწნა დღეს პროკურატურამ, რომელიც ეუბნება, რომ მისი შვილის მკვლელი ბუნებაში არ არსებობს, - ასე გამოეხმაურა „ევროპული საქართველოს“ წევრი ელენე ხოშტარია ხორავას ქუჩაზე მომხდარი მკვლელობის საქმეზე სასამართლოს მიერ მიღებულ განაჩენს.

ხოშტარიას განცხადებით, პარლამენტში საგამოძიებო კომისია დაუყოვნებლივ უნდა შეიქმნას.

 „რასაც ჩვენ ვუყურებთ, მთელი ამ პერიოდის განმავლობაში ადამინი საუბრობდა პროკურატურის მხრიდან სერიოზულ დარღვევებზე. ამბობდა, რომ მას აქვს ეჭვი, რომ ვიღაცას აფარებენ ხელს და შედეგად ჩვენ მივიღეთ სასამართლოს გადაწყვეტილება, რომლითაც ამ ადამიანს, ისედაც დაჩაგრულს სახელმწიფოს მხრიდან, ეუბნებიან, რომ შენი შვილის მკვლელი არ არსებობს. შევხედოთ ამ ადამიანის და ზოგადად მოქალაქის თვალით, რა მდგომარეობაშია ის. პირდაპირ სილა გააწნა დღეს პროკურატურამ, რომელიც ეუბნება, რომ შენი შვილის მკვლელი არ არსებობს. ეს ყველაფერი რომ არ გადაიზარდოს რაღაც უმართავ პროცესში, სასწრაფო შევქმნათ კომისია, დავიბაროთ პროკურორი და დავსვათ კითხვები. არავის მივცეთ სპეკულაციის საშუალება. ყველანი ვიყოთ ამჯერად ერთიანი და რასაც გვთხოვს კანონი, ადამიანობა, მორალი, შევქმნათ ეს კომისია“, - განაცხადა ხოშტარიამ.

თბილისის საქალაქო სასამართლომ ხორავას ქუჩაზე მომხდარი მკვლელობის საქმეზე განაჩენი გამოაცხადა. მკვლელობაში ბრალდებული ერთ-ერთი არასრულწლოვანი გ.ბ ლევან დადუნაშვილთან მიმართებაში სასამართლომ დამნაშავედ ცნო, მაგრამ გაამართლა დავით სარალიძის საქმის ნაწილში. მეორე ბრალდებული გ.ჯ სასამართლომ დავით სარალიძის საქმესთან დაკავშირებით დამნაშავედ ცნო, თუმცა არა მკვლელობის, არამედ განზრახ მკვლელობის მცდელობაში. რაც შეეხება სასჯელის ოდენობას აღნიშნულთან დაკავშირებით მოსამართლე ცალკე სხდომას ჩანიშნავს.

ავტორი: ,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან