ზუგდიდში დაჭრილი სამი პირიდან ერთის მდგომარეობა კვლავ მძიმეა.

როგორც ზუგდიდის რეფერალური საავადმყოფოს ექიმმა ირაკლი პაპავამ აღნიშნა, ის ამ დრომდე რეანიმაციაშია და მართვით სუნთქვაზე იყოფება.

"ერთი პაციენტის მდგომარეობა კრიტიკულად მძიმეა. აღენიშნებოდა გულ-მკერდის არეში შემავალი ცეცხლსასროლი ჭრილობა, ფილტვის ქსოვილის დაზიანებით. ჩაუტარდა ოპერაციული ჩარევა", - განაცხადა პაპავამ.

ექიმის ინფორმაციით, კიდევ ორი პაციენტის მდგომარეობა სტაბილურია.

შეგახსენებთ, გუშინ ზუგდიდში ცეცხლსასროლი იარაღიდან გასროლით 3 პირი დაჭრეს. მომხდართან დაკავშირებით შინაგან საქმეთა სამინისტრომ წარსულში ნასამართლევი 1985 წელს დაბადებული გ.ა. დააკავა.

„შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის და ზუგდიდის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, დამამძიმებელ გარემოებებში განზრახ მკვლელობის მცდელობის ბრალდებით, წარსულში ნასამართლევი 1985 წელს დაბადებული გ.ა. ფოთში დააკავეს.

უწყების ინფორმაციით, მის მიერ ჩადენილი დანაშაული 16-დან 20 წლამდე ვადით ან უვადო თავისუფლების აღკვეთას ითვალისწინებს.

„გამოძიებამ დაადგინა, რომ დაკავებულმა მიმდინარე წლის 13 მარტს ზუგდიდში, ბარამიას ქუჩაზე, ურთიერთშელაპარაკებისას ცეცხლსასროლი იარაღიდან გასროლით სამი პირი: 1989 წელს დაბადებული ი.გ. 1990 წელს დაბადებული ბ.ნ. და 1982 წელს დაბადებული მ.პ. დაჭრა და შემთხვევის ადგილიდან მიიმალა. სამართალდამცველებმა ბრალდებული დანაშაულის ჩადენიდან რამდენიმე საათში ცხელ კვალზე დააკავეს.

გამოძიება დამამძიმებელ გარემოებაში ჩადენილი განზრახ მკვლელობის მცდელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს, საქართველოს სსკ-ს 19 – 109 მუხლის მე-3 ნაწილით და 236 -ე მუხლის მე-3 ნაწილით“, - ნათქვამია შსს-ს განცხადებაში.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია