საპარლამენტო უმრავლესობის ლიდერის არჩილ თალაკვაძის შეფასებით, რეგიონების განვითარებისთვის აუცილებელი წინაპირობაა, რომ მათ გადაეცეთ  მეტი უფლებები და ჰქონდეთ ძლიერი ადმინისტრაციული რესურსი.

მისივე თქმით, თვითმმართველობის რეფორმის პროცესში სამოქალაქო  ჩართულობის უზრუნველყოფა ძალიან მნიშვნელოვანია. თალაკვაძე ამბობს, რომ თვითმმართველობის რეფორმის განხორციელებას სრული კონსოლიდაცია  დასჭირდება. ამასთან, დეპუტატის მტკიცებით, რეფორმას  მმართველ გუნდში სრული მხარდაჭერა აქვს:

„თვითმმართველობის რეფორმა ჩვენი გუნდისთვის არის ერთ-ერთი ყველაზე მნიშვნელოვანი რეფორმა, ის, რომ თვითმართველობებს, რეგიონებს უნდა გადაეცეთ  მეტი უფლებები, მეტი დაფინანსება  და ჰქონდეთ უფრო ძლიერი ადმინისტრაციული რესურსი, ვფიქრობთ, რეგიონების განვითარების აუცილებელი წინაპირობაა. სწორედ ამაზე მუშაობს პარლამენტი და მთავრობა ერთად. გვაქვს კონკრეტული გეგმა, როგორ განხორციელდება ეს რეფორმა. ძალიან მნიშვნელოვანია თვითმმართველობის რეფორმის პროცესში სამოქალაქო  ჩართულობის უზრუნველყოფა, ვინაიდან  თითოეული მოქალაქის ჩართულობა თვითმმართველობის განხორციელების პროცესში  ბევრად ზრდის გარანტიას იმისას, რომ  გადაწყვეტილებები იქნება სწორად მიღებული და  იქნება მიღებული  ადგილობრივი ინტერესების გათვალისწინებით. რა თქმა უნდა, ეს არ არის მარტივი პროცესი, თვითმმართველობის რეფორმის განხორციელებას დასჭირდება სრული კონსოლიდაცია, ამიტომაც ამ საკითხში მთავრობა და პარლამენტი გამოვიდა დღეს ერთიანი პოზიციით და ჩვენს გუნდში თვითმმართველობის რეფორმას აქვს სრული მხარდაჭერა“,-განაცხადა თალაკვაძემ.

პარლამენტში დღეს დეცენტრალიზაციისა და ადგილობრივი თვითმმართველობის ახალი ხედვის წარდგენა მოხდა.

ახალი კონცეფცია მეტ შესაძლებლობებს  ანიჭებს ადგილობრივ  ხელისუფლებას, როგორც გადაწყვეტილების მიღების, ასევე ფინანსური რესურსების განკარგვის საკითხებში.

2025 წლისათვის საქართველოს მთლიანი შიდა პროდუქტის  7-8% რეგიონულ და მუნიციპალურ ბიუჯეტებს გადაეცემა.

ავტორი: ,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია