მაჩალიკაშვილის ოჯახის ადვოკატის მარიამ კუბლაშვილის განცხადებით, ოჯახს დაზარალებულის სტატუსი უნდა მიენიჭოს.

როგორც კუბლაშვილმა ჟურნალისტებს განუმარტა, მანამდე საქმე ეხებოდა თემირლან მაჩალიკაშვილისთვის აღნიშნული სტატუსის მინიჭებას, თუმცა ახლა მდგომარეობა შეიცვალა.

ამასთან, ადვოკატი ვარაუდობს, რომ "სუს-მა პრობლემების თავიდან ასაცილებლად, საქმეში ხელყუმბარის არსებობის შესახებ განაცხადა".

"ჩვენი განცხადების შინაარსი იყო, რომ უშუალოდ თემირლან მაჩალიკაშვილისთვის მიენიჭებინათ დაზარალებულის სტატუსი. თუმცა ახლა მოგვიწევს განცხადების შეცვლა და ოჯახისთვის დაზარალებულის სტატუსის მოთხოვნა. გამოძიება დაწყებულია სამსახურეობრივი უფლებამოსილების ბოროტად გამოყენების მუხლით. საქმე აუცილებლად უნდა გადაკვალიფიცირდეს. ამას არ სჭრიდება დიდი ფიქრი, მათ სჭირდებოდათ პრობლემების თავიდან არიდება, ამიტომ თავისუფლად ჩადეს ხელყუმბარა საქმეში", - განაცხადა მარიამ კუბლაშვილმა.

თემირლან მაჩალიკაშვილს პანკისის ხეობის, სოფელ დუისში დღეს, დღის მეორე ნახევარში დაკრძალავენ. ის გუშინ წმინდა მიქეილ მთავარანგელოზის საავადმყოფოში გარდაიცვალა. მოგვიანებით მაჩალიკაშვილის ცხედარს ლევან სამხარაულის ექსპერტიზის ბიუროში 4 საათის განმავლობაში ექსპერტიზა უტარდებოდა. გუშინვე, 19 წლის ახალგაზრდა პანკისში, საკუთარ სახლში გადაასვენეს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა