ახმეტის რაიონის სოფელ  ომალოში დაკავებულ ზურაბ იდოიძეს ე.წ. მოდულის შენობაში ბრალი ოფიცილაურად წაუყენეს.

როგორც მისმა ადვოკატმა  დავით მოდებაძემ განაცხადა, მას წარედგინა ბრალდება  საქართველოს სსკ-ის 331- ე პრიმა მუხლის  მესამე ნაწილით, რაც ტერორიზმის დაფინანსებას, ტერორისტული საქმიანობის სხვაგვარ მატერიალურ მხარდაჭერას ან რესურსებით უზრუნველყოფას გულისხმობს, რამაც მძიმე შედეგი გამოიწვია.

თავად იდოიძე თავს დამნაშავედ არ სცნობს და ამ დრომდე დუმილის უფლებას იყენებს.  სასამართლომ მისთვის აღკვეთის ღონისძიების შეფარდების საკითხზე 24 საათის ვადაში უნდა იმსჯელოს. სავარაუდოდ, პროკურატურა  ზურაბ იდოიძისთვისაც წინასწარი პატიმრობის შეფარდებას მოითხოვს. საქმის მასალები, რომელიც ადვოკატს გადაეცემა,  17 ტომისგან შედგება.

აღსანიშნავია, რომ დღეს ტერორიზმში ბრლადებული ჯგუფის წევრების დახმარებაში ბრლადებულ ზურაბ გორნაკაშვილის საქმის პროკურორმა განაცხადა, რომ იდოიძის დაკავება გორნაკაშვილის ჩვენებისა  და სხვა  მტკიცებულებების საფუძველზე მოხდა. თუმცა, შინაარსობრივ მხარეზე მას გამოძიების ინტერესებიდან გამომდინარე, არ უსაუბრია.

გამოძიების ინფორმაციით, დაკავებული ზურაბ იდოიძე, ზურაბ გორნაკაშვილთან  ერთად ჩავიდა თურქეთის ქალაქ ხოფაში ახმედ ჩატაევის და მისი დაჯგუფების წევრების დასახმარებლად.მანვე, ასევე გამოძიების ცნობით,  ზურაბ გორნაკაშვილთან  ერთად ახმედ ჩატაევი და  მისი დაჯგუფების წევრები ხოფაში, მათი  დროებითი საცხოვრებელი ბინიდან  მანქანით მიიყვანა თურქეთ-საქართველოს საზღვართან, კირნათი-მარადიდის  მწვანე ზოლის მონაკვეთამდე.

სსკ-ის 331- ე პრიმა მუხლის  მესამე ნაწილით გათვალისწინებული ქმედება სასჯელის ზომად  17 დან 20 წლამდე  ვადით ან უვადო თავისუფლების აღკვეთას ითვალისწინებს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა