„ვაღიარებთ, რომ ეს იყო ძალიან სერიოზული ჩავარდნა, ასეთი რამ არ უნდა მომხდარიყო“, - ასე უპასუხა პრემიერ-მინისტრობის კანდიდატმა გიორგი კვირიკაშვილმა „ევროპული საქართველოს“ წევრის, ელენე ხოშტარიას შეკითხვას აზერბაიჯანელი ჟურნალისტის, აფგან მუხთარლის საქმესთან დაკავშირებით.

როგორც კვირიკაშვილმა აღნიშნა, რეაგირება, რომელიც ამ ფაქტთან დაკავშირებით ხელისუფლებამ მოახდინა, აბსოლუტურად ადეკვატური იყო.

„ეს საკითხი არის გამოძიების პროცესში. ძალიან მძიმე საკითხია, გეთანხმებით და იმასაც ვაღიარებთ, რომ ეს იყო ძალიან სერიოზული ჩავარდნა. არ უნდა მომხდარიყო, ასეთი რამ, რაც მოხდა. თუმცა სიმართლე საბოლოოდ ჯერ არ გარკვეულა, თავისთავად ფაქტი არის ძალიან დიდი ჩავარდნა, კიდევ ერთხელ ვამბობ. მგონი, რეაგირება, რომელიც ჩვენმა ხელისუფლებამ გააკეთა, როდესაც გათავისუფლებული იქნა, როგორც კონტრდაზვერვის სამსახურის უფროსი, ასევე სასაზღვრო პოლიციის უფროსი, იყო აბსოლუტურად ადეკვატური, თუმცა კიდევ ერთხელ ვამბობ, მათი ბრალეულობა არაფრით არ არის ჯერჯერობით დადასტურებული, მაგრამ მათ აიღეს პოლიტიკური პასუხისმგებლობა ამ შემთხვევაზე. გამოძიება წინ არის, ჩვენ მივმართეთ შუამდგომლობით აზერბაიჯანის სამართალდამცველ უწყებებს, რომ გაცვლილ იქნას მაქსიმალურად ინფორმაცია. ჯერჯერობით რა შედეგი დაიდება გამოძიების შედეგად, არავინ შეიძლება, რომ იწინასწარმეტყველოს და ჩემთვის მოცემულობად ვერ აღიქმება, ბატონი მუხთარლის მიერ მიცემული ჩვენება. ამიტომ, მე არ მაქვს უფლება ამაზე რაიმე კომენტარი გავაკეთო. პოლიტიკური კომენტარი მოგახსენეთ, რომ საკმაოდ პრობლემური საკითხია“, - განაცხადა პრემიერმა.

ავტორი: ,

სოციალური ქსელები

სენაკში შვილმა მამა დაჭრა

ბათუმში სატვირთო ავტომობილი ქვეითს დაეჯახა

ტრამპი: გავაუქმე დღეს საღამოს ირანის წინააღმდეგ დაგეგმილი ავიადარტყმები და დაბომბვები

გიორგი ტაბატაძე: გვქონდა შეხვედრა EU-ში, მოვისმინეთ მათი პოზიციები, მათ ჩვენი