აჭარის ჯანდაცვის მინისტრის ზაალ მიქელაძის ინფორმაციით, ამ დროისთვის საავადმყოფოებში ხანძრის შედეგად დაშავებულთაგან 7 ადამიანი რჩება.

როგორც მინისტრმა აღნიშნა, 15 პაციენტი უკვე ბინაზეა გაწერილი.

მისივე თქმით, დაშავებულების სიცოცხლეს საფრთხე არ ემუქრება.

„სხვადასხვა კლინიკებში შემთხვევის ადგილიდან შემოყვანილი იყო 22 პაციენტი. მათგან უკვე 15 გაეწერა ბინაზე, ამ დროისთვის 7 პაციენტი რჩება დაწესებულებებში. ყველა მათგანის დიაგნოზი იყო ნახშირჟანგით ინტოქსიკაცია. დარჩენილი პაციენტების მდგომარეობა არის სტაბილური. მათ სიცოცხლეს საფრთხე არ ემუქრება და დამატებით მკურნალობას სამედიცინო დაწესებულებებში გადიან", - განაცხადა მიქელაძემ „მოამბის“ ეთერში.

შეგახსენებთ, ბათუმში, სასტუმრო „ლეო გრანდში“ გაჩენილი ხანძრის შედეგად სულ 11 ადამიანი დაიღუპა, 21 კი დაშავდა. დაშავებულებიდან სამი მეხანძრე მაშველია.

ხანძრის გამომწვევი მიზეზები ჯერჯერობით უცნობია. მომხდარზე გამოძიება სისხლის სამართლის კოდექსის 243-ე მუხლით მიმდინარეობს (უსაფრთხოების წესების უხეში დარღვევა, რასაც ადამიანების სიცოცხლე ემსხვერპლა“).

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო