ქუმსიშვილი: მნიშვნელოვანია მსოფლიო ბანკის მხარდაჭერა კერძო სექტორის მხარდაჭერის კუთხით

2017-09-16 10:54:45, 2525 ნახვა

ეკონომიკა

მნიშნელოვანია მსოფლიო ბანკის მხარდაჭერა კერძო სექტორის მხარდაჭერის კუთხით - აღნიშნა პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა მსოფლიო ბანკთან თანამშრომლობის 25 წლის აღსანიშნავ ფორუმზე.

„მადლობას ვუხდი მსოფლიო ბანკის ჯგუფის წევრს, საერთაშორისო საფინანსო კორპორაციას (IFC) კერო სექტორში ჩართულობისთვის. განსაკუთრებით მნიშვნელოვანია ლარით დენომინირებული ბონდების გამოშვება. დარწმუნებულები ვართ, IFC-ისთან ერთად კიდევ არაერთი მნიშვნელოვანი პროექტი განხორციელდება და ჩვენს ქვეყანაში კერძო სექტორი კიდევ უფრო გაძლიერდება," - აღნიშნა დიმიტრი ქუმსიშვილმა.

ფორუმზე, ასევე, მოხსენება გააკეთა ევროპისა და ცენტრალური აზიის რეგიონში მსოფლიო ბანკის ვიცე-პრეზიდენტმა, სირილ მიულერმა.

ფორუმის მონაწილეების წინაშე გამოვიდნენ მსოფლიო ბანკის რეგიონალური დირექტორი მერსი ტემბონი, ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა, იუსტიციის მინისტრი თეა წულუკიანი, რეგიონული განვითარებისა და ინფრასტრუქტურის მინისტრის მოადგილე ირაკლი მატკავა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები