ბორჯომის ხეობაში გაჩენილი ხანძრის შემდეგ, სალიკვიდაციო სამუშაოებში ჩართულობისთვის ადგილობრივმა ხელისუფლებამ მისი თანამშრომლებისთვის პრემიების გაცემის გადაწყვეტილება მიიღო. 

აღსანიშნავია, ის ფაქტი, რომ ყველაზე მაღალი პრემია გამგებელმა დიმიტრი ყიფიანმა მიიღო. ყიფიანის გარდა, მაღალი პრემია გაეცა მის მოადგილეს და მეორადი სტრუქტურული ერთეულის მატერიალურ-ტექნიკური უზრუნველყოფის სამსახურის ხელმძღვანელს. სამივე ამ პირმა პრემია 1250 ლარის ოდენობით მიიღო. 

ამის დამადასტურებელი ფაქტი კი, ბორჯომის გამგებლის მიერ ხელმოწერილი შესაბამისი განკარგულებაა, სადაც დეტალურად არის გაწერილი პრემიების ოდენობა. 

გამგებლის წარმომადგენელმა დაბა წაღვერში 1200 ლარი მიიღო; გამგებლის წარმომადგენელმა დაბა ყვიბისში  1200 ლარი მიიღო; პირველადი სტრუქტურული ერთეულის იურიდიული კონსულტაციების სასამართლო საქმეთა წარმოების კონტროლისა და შიდა აუდიტის სამსახურის ხელმძღვანელის პრემიამ 625 ლარი შეადგინა.

ანალოგიური თანხა პირველადი სტრუქტურული ერთეულის ეკონომიკური განვითარებისა და ქონების მართვის სამსახურის ხელმძღვანელმა და გამგებლის წარმომადგენლის სპეციალისტმა დაბა ყვიბისში, მიიღეს. 

გამგეობის ორმა მძღოლმა, თითომ  – 850 ლარი, ხოლო კიდევ ერთმა მძღოლმა 425 ლარი მიიღო. 

ავტორი: ,

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს