„საერთაშორისო სარეიტინგო სააგენტო Moody’s-ის მიერ საქართველოს სუვერენული საკრედიტო რეიტინგის Ba3-დან Ba2-მდე გაუმჯობესება არის აშკარა სიგნალი ინვესტორებისთვის, რომ საქართველოში მდგომარეობა უმჯობესდება და ამას ლოგიკურად უნდა მოყვეს ინვესტიციების და საერთაშორისო კაპიტალის შემოდინება“, - ამის შესახებ საქართველოს ეკონომიკისა და მდგრადი განვითარების მინისტრის მოადგილემ, ნინო ჯავახაძემ განაცხადა.

მისი შეფასებით, რეიტინგის გაუმჯობესება ასევე ხელს უწყობს ადგილობრივი ფინანსური ინსტიტუტების წვდომას საერთაშორისო ფინანსურ რესურსებზე.

„2017 წლის 11 სექტემბერს  სარეიტინგო სააგენტო Moody’s-მა საქართველოს სუვერენული საკრედიტო რეიტინგი გააუმჯობესა 1 საფეხურით BA3-დან BA2-ზე, ხოლო პერსპექტივა დატოვა სტაბილურად. ეს არის რეიტინგის გაუმჯობესების პირველი შემთხვევა 2010 წლიდან, ბოლოს ეს იყო 2010 წლის ოქტომბერში.  რეიტინგის გაუმჯობესებისას სარეიტინგო სააგენტო აფასებს ეკონომიკის სტრუქტურას, ეკონომიკის განვითარების პერსპექტივებს, იმ საფრთხეებს და შესაძლებლობებს, რაც არსებობს, ასევე საჯარო ფინანსების მართვას, ვალის მართვას და სხვა ფაქტორებს, ყველაფერს, რასაც შესაძლებელია გავლენა ჰქონდეს ქვეყნის უნარზე, რომ მოემსახუროს თავის ფინანსურ ვალდებულებებს“, - აღნიშნა ნინო ჯავახაძემ.

მისი განცხადებით,  რეიტინგის შედგენისას სარეიტინგო კომპანიამ გაითვალისწინა საქართველოს მიერ 2014-2016 წლებში ნეგატიური საგარეო ფაქტორების შედეგად დადებითი ეკონომიკური ზრდის შენარჩუნება და ზოგადად ის ფაქტი, რომ ქვეყანა კარგად გაუმკლავდა ამ საგარეო შოკებს.

„ასევე გათვალისწინებულია საქართველო ევროკავშირის ასოცირების შეთანხმება და ის ფაქტი, რომ შემდეგი წლების განმავლობაში საქართველოს პოლიტიკა და პრაქტიკა დაუახლოვდება ევროკავშირის სტანდარტებს, რაც ესეც დადებითად არის შეფასებული. ასევე განსაკუთრებით ხაზგასმულია სტრუქტურული რეფორმები, მათი პერსპექტივა და მათი გავლენა მომავალ წლებში ქვეყნის ეკონომიკურ განვითარებაზე, მათ შორის ნახსენებია საპენსიო რეფორმაც“, - განაცხადა ნინო ჯავახაძემ.

(NS)

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა