„დღეს არის უმძიმესი დღე. მინდა, ქედი მოვიხარო  ჩვენი გმირების წინაშე, რომლებმაც თავისი სიცოცხლე არ დაინანეს საკუთარი სამშობლოსთვის“,-ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებს მუხათგვერდის ძმათა სასაფლაოზე განუცხადა, სადაც 2008 წლის რუსეთ-საქართველოს აგვისტოს ომის დროს დაღუპულთა ხსოვნას პატივი მიაგო.

გიორგი კვირიკაშვილის თქმით, ხელისუფლება მუშაობს იმისათვის, რომ გაერთიანდეს და გაძლიერდეს ქვეყანა. თუმცა, პრემიერის განმარტებით, ეს ყველაფერი მშვიდობიანად უნდა მოხდეს:

„რაც შეეხება ომის შედეგებს, ჩვენ ვმუშაობთ იმისათვის, რომ გავაერთიანოთ, გავაძლიეროთ ჩვენი ქვეყენა. ჩვენ ვაცნობიერებთ, რომ მშვიდობას არ აქვს ალტერნატივა. ამასთან ერთად, ყველაფერს ვაკეთებთ იმისათვის, რომ მშვიდობა შევინარჩუნოთ. ერთიან, ძლიერ ნამდვილად დემოკრატიულ  საქართველოს ვაშენებთ იმისათვის, რომ ეს იყოს ერთიანი სახლი ქართველებისთვის, აფხაზებისთვის და ოსებისთვის. 2008 წლის ომი იყო ყველას ტრაგედია. ჩვენ-აფხაზებმა, ქართველებმა და ოსებმა თვალებში უდნა ჩავხედოთ ერთმანეთს  და უნდა შევრიგდეთ, რადგან შერიგებას ალტერნატივა არ აქვს“,-განაცხადა  გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანდრეი სიბიგა მაკა ბოჭორიშვილთან შეხვედრაზე - ვაგრძელებთ გამჭვირვალე, პრაგმატული და კონსტრუქციული უკრაინულ-ქართულ დიალოგის განვითარებას

ტრამპის ვიზიტის დასრულებიდან რამდენიმე დღეში ჩინეთში პუტინი ჩავა

შენი საუკეთესო ციფრული გამოცდილებისთვის - ნახე, რა სიახლეები დაემატა თიბისის მობაილბანკს

ბოჭორიშვილი: რუსეთი კვლავ დგამს ნაბიჯებს საქართველოს რეგიონების ანექსიისკენ