საქართველოს ყოფილი პრეზიდენტის, მიხეილ სააკაშვილის განცხადებით, ამერიკის შეერთებულ შტატებში მას ლეგალური სამუშაო ვიზა აქვს.

როგორც სააკაშვილმა „ამერიკის ხმის“ ქართულ რედაქციასთან ინტერვიუში განაცხადა, ვიზას ვადა მომდევნო წლის განმავლობაში გასდის.

„ლეგალური ვიზა მაქვს, სამუშაო ვიზა. ვადა მგონი მომდევნო წლის განმავლობაში გასდის. ვაშინგტონში რომ ვმუშაობდი დიდი ხნის წინ მაშინ ავიღე“, - აღნიშნა სააკაშვილმა.

ჟურნალისტის კითხვაზე - აქვს თუ არა მწვანე ბარათი, ყოფილმა პრეზიდენტმა განაცხადა, რომ ბარათის აღება შეეძლო, თუმცა უარი თქვა.

„არა. შემეძლო მისი აღება, შემომთავაზეს, მაგრამ მე არ მინდოდა. ასევე მაქვს ტურისტული ვიზაც. ამერიკაში დარჩენის განზრახვა არასოდეს მქონია და არც ახლა ვაპირებ. მე მიყვარს ეს ქვეყანა და აქ თავს თითქმის სახლში ვგრძნობ, მაგრამ ჩემი სახლი საქართველო და უკრაინაა“, - განაცხადა მიხეილ სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული