საქართველოს მომავალი დასავლეთ სამყაროშია, - ამის შესახებ აშშ-ის ვიცეპ-პრეზიდენტმა მაიკ პენსმა „ღირსეული პარტნიორი 2017“-ში მონაწილე სამხედროების წინაშე სიტყვით გამოსვლისას განაცხადა.

როგორც მან აღნიშნა, წელს აშშ-სა და საქართველოს დიპლომატიური ურთიერთობების 25 წლის იუბილეა და ამერიკა ქვეყნის პროგრესს მაღალ შეფასებას აძლევს.

„საქართველოს მომავალი დასავლეთ სამყაროშია. საქართველო წლების განმავლობაში ამერიკის შეერთებული შტატების სტრატეგიული პარტნიორი იყო. ათასობით ქართველი სამხედრო მოსამსახურე ღირსეულად მსახურობდა ამერიკელებთან ერთად კოსოვოში, ერაყში ავღანეთში. ავღანეთში საქართველომ ერთ სულ მოსახლეზე უფრო მეტი სამხედრო მოსამსახურე გააგზავნა, ვიდრე ნებისმიერმა სხვა ქვეყანამ მსოფლიო მასშტაბით“, - განაცხადა პენსმა.

მან ასევე საერთაშორისო მისიებში დაღუპული ქართველი ჯარისკაცებიც გაიხსენა:

„დღეს ჩვენ ვიხსენებთ 31 დაღუპულ ქართველ ჯარისკაცს, რომლებმაც სიცოცხლე გასწირეს თავისუფლებისთვის ბრძოლაში. ამერიკელ ხალხს ახსოვს ეს მსხვერპლი. ისინი გმირები ბრძანდებიან და გარწმუნებთ, რომ ისინი ყოველთვის დარჩებიან ამერიკელი ხალხის გულებში, მუდამ“, - განაცხადა მაიკ პენსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული