საქართველოს პრეზიდენტის საგარეო ურთიერთობათა მდივნის თენგიზ ფხალაძის განცხადებით, საქართველოს პრეზიდენტი ამერიკის შეერთებული შტატების ვიცე-პრეზიდენტთან ერთად დღეს წვრთნების „ღირსეული პარტნიორი" ქართულ და ამერიკულ კონტინგენტს შეხვდება და მრავალეროვან სწავლებაში მონაწილე სამხედროებს სიტყვით მიმართავს.

 "თავისთავად, ეს წვრთნები უაღრესად მნიშვნელოვანია, რომელიც მიმართულია საქართველოს თავდაცვისუნარიანობის გასაძლიერებლად და ნატოსთან თავსებადობის ასამაღლებლად.

 პრეზიდენტს ექნება მიმართვა შეიარაღებული კონტინგენტისათვის, სადაც ხაზს გაუსვამს, როგორც ჩვენს სამხედრო თანამშრომლობის მნიშვნელობას, ასევე ისაუბრებს და წარადგენს მის ხედვას საქართველო-ამერიკის სტრატეგიულ თანამშრომლობაზე და იმ უსაფრთხოების გარემოზე, რომელიც შექმნილია საქართველოს ირგვლივ.

 საქართველოს პრეზიდენტს მანამდე ექნება საშუალება და ექნება კომუნიკაცია ამერიკის შეერთებული შტატების ვიცე-პრეზიდენტთან, სადაც განხილული იქნება ყველა ის მნიშვნელოვანი საკითხი, რაც დაკავშირებულია საქართველო-ამერიკის ურთიერთობების მომავალთან", - განაცხადა პრეზიდენტის მრჩეველმა საერთაშორისო საკითხებში თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას