პირველი ვიცე-პრემიერი, ფინანსთა მინისტრი დიმიტრი ქუმსიშვილი სლოვაკეთის ელჩს საქართველოში რუდოლფ მიხალკასა და სლოვაკეთის დელეგაციას შეხვდა, რომლის შემადგენლობაშიც  სლოვაკეთის ექსიმ ბანკის გენერალური დირექტორი დუშან კეკეტი შედიოდა. 

უწყების პრესსამსახურის ინფორმაციით, შეხვედრაზე აღინიშნა საქართველო და სლოვაკეთის წარმატებული თანამშრომლობის მრავალწლიანი ისტორია. 

სამინისტროს ცნობით, შეხვედრაზე აგრეთვე საუბარი ეკონომიკური მიმართულებით თანამშრომლობის დიდ პოტენციალზე წარიმართა , რომელიც ქვეყნებს შორის არსებობს, მათ შორის, ვაჭრობის, ტურიზმისა და სლოვაკეთის მიერ ინვესტიციების განხორციელების მიმართულებით. 

სლოვაკურმა მხარემ სრული მზადყოფნა გამოხატა კონკრეტული საინვესტიციო პროექტების მხარდაჭერის მხრივ, რომელიც საქართველოში შესაძლებელია განხორციელდეს სლოვაკეთის მთავრობისა და ექსიმ ბანკის მხარდაჭერით. 

შეხვედრის დასასრულს, კიდევ ერთხელ აღინიშნა, რომ მხარეები ხელს შეუწყობენ ისეთი ინიციატივების მხარდაჭერას, რომელიც გაზრდის და განავითარებს თანამშრომლობას საქართველოსა და სლოვაკეთს შორის. 

შეხვედრას  ფინანსთა მინისტრის მოადგილე ნიკოლოზ გაგუა და სლოვაკეთში მოღვაწე ქართველი ბიზნესმენი ნოდარ გიორგაძე დაესწრნენ.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა