„გვაშფოთებს, რომ აფხაზეთის დე ფაქტო ხელისუფლება გალის რაიონში ქართველი მოსახლეობისთვის ე.წ. დროებითი დოკუმენტების დარიგებას იწყებს“, - ამის შესახებ საგარეო საქმეთა მინისტრის მოადგილემ დავით დონდუამ განაცხადა.

როგორც მინისტრის მოადგილემ აღნიშნა, მსგავსი დოკუმენტები ოკუპირებულ რეგიონში მცხოვრები ქართველი მოსახლეობის მდგომარეობას კიდევ უფრო ართულებს.

 „დიპლომატიურ კორპუსს გვინდა დეტალურად ვესაუბროთ იმ ბოლო განვითარებებზე, რომლებსაც ადგილი აქვს საქართველოს ოკუპირებულ ტერიტორიებზე. პირველ რიგში ეს ეხება მავთულხლართებს და ხელოვნურ ბარიერებს, რომლებიც კიდევ უფრო ართულებენ როგორც ცხინვალში ასევე აფხაზეთში დარჩენილი ქართველი მოსახლეობის ისედაც მძიმე პირობებს.  ვისაუბრებთ  ასევე ბოლო პერიოდის განმავლობაში გახშირებულ დაკავებებზე ოკუპირებულ ტერიტორიებზე. საუბარის თემა რუსეთის მიერ ოკუპირებულ ტერიტორიებზე მიმდინარე მილიტარიზაციაა. ასევე აფხაზეთში დაწყებულ ე.წ. დროებით დოკუმენტების დარიგებაზე, რომელიც ის მცხოვრებ ქართველ მოსახლეობას არსებობას  ურთულებს. გვაშფოთებს, რომ აფხაზეთის დე ფაქტო ხელისუფლება იწყებს ე.წ. დროებითი დოკუმენტების დარიგებას ქართველი მოსახლეობისთვის, რითაც ისინი საკუთარ მიწა წყალზე ხდებიან  უცხო ქვეყნის მოქალაქეები და რაც კიდევ უფრო ზღუდავს მათ ისედაც უუფლებო მდგომარებას“,-განაცხადა დონდუამ.

ცნობისთვის, საგარეო საქმეთა სამინისტროში დიპლომატიურ კორპუსთან შეხვედრა მიმდინარეობას.  მინისტრის მოადგილე დავით დონდუა საქართველოში აკრედიტირებულ დიპლომატიურ კორპუსს ხვდება და ელჩებს ოკუპირებულ რეგიონებში ბოლო დროის განმავლობაში არსებულ ვითარებას აცნობს. შეხვედრას  სხვადასხვა ქვეყნის ელჩები და დიპლომატიური კორპუსის წარმომადგენლები ესწრებიან.

აღნიშნული შეხვედრის მთავრი თემა ბოლო დროის განმავლობაში რუსეთის მიერ ოკუპირებულ ტერიტორიებზე შექმნილი ვითარებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.