განათლებისა და მეცნიერების მინისტრის ალექსანდრე ჯეჯელავას განცხადებით, ჯგუფ Birja Mafias-ს მიერ გავრცელებული კლიპი, სადაც პოლიციელი გააშარჟეს, სამართალდამცველების მიმართ უპატივცემლობაა.

როგორც ჯეჯელავამ აღნიშნა, საუბარი იმაზე, რომ რეპერები კლიპის გამო დააკავეს, არასერიოზულია.

"რაც კლიპში გამოხატეს, ჩემი აზრით, საშინელებაა. ასეთი უპატივცემულობა სამართალდამცველების მიმართ არის სახელმწიფოებრიობის წინააღმდეგ გადადგმული ნაბიჯი, მე პირადად ასე ვფიქრობ. თუმცა ამისთვის, მათ პასუხს ვერ აგებინებდნენ და საუბარი იმაზე, რომ - კანონი დავარღვიე მაგრამ რაღაც სხვა მიზეზით მაგებინეს პასუხი, არასერიოზულია", - განაცხადა მინისტრმა. 

შეგახსენებთ, რომ საქართველოს შინაგან საქმეთა სამინისტროს წარმომადგენლებმა ქართული რეპ-ჯგუფის Birja Mafia-ს წევრები დააკავეს. დაკავების მიზეზად უწყებაში ჯგუფის წევრებისგან ნარკოტიკული საშუალება MDMA-ს ამოღებას ასახელებენ. ჯგუფ Birja Mafia-ს წევრს მიხეილ მგალობლიშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ