„მოსახლეობას აშკარა არჩევანი აქვს გაკეთებული და საქართველო ნამდვილად ეკუთვნის ჩრდილოატლანტიკურ ალიანსს“, - შესახებ ნატო-ს საპარლამენტო ასამბლეის თავმჯდომარემ პაოლო ალიმ საპარლამენტო ასამბლეის საგაზაფხულო სესიაზე განაცხადა.

ალიმ საქართველოში ნატო-ს საპარლამენტო ასამბლეის სესიას ისტორიული უწოდა.

„დღეს ჩვენ ვასრულებთ ისტორიულ სესიას ნატო-ს საპარლამენტო ასამბლეის ისტორიულ სესიას საქართველოში. საქართველომ შემოგვთავაზა ეს მასპინძლობა, მიღება, ორგანიზება და მათ კიდევ ერთხელ აჩვენეს, რომ საქართველოს მოსახლეობას  აშკარა არჩევანი აქვს გაკეთებული, საქართველო ნამდვილად ეკუთვნის ჩრდილოატლანტიკურ ალიანსს.  ყოველი ჩემი ჩამოსვლის დროს ჩემზე დიდ შთაბეჭდილებას ახდენს, როგორ ჩანს და როგორ თვალსაჩინოა, როგორი სულისკვეთება და ერთიანი მიზანი აქვს საქართველოს,  ქართველ ხალხი გრძნობს და მტკიცედ სჯერათ, რომ მომავალი ნატო-სთან და ევროკავშირთან ერთად არის. ბევრჯერ ვყოფილვარ მოწმე და ბევრჯერ მინახავს, ასევე ეს სამი დღის განმავლობაში ეს აშკარად დავინახე. ამ შეხვედრების დროს გამოხატული იყო საკმაოდ დიდი სულისკვეთება ამ მიმართულებით მთელ ქვეყანაში.  მესმის, რომ საქართველოს ეამაყება, რომ უმასპინძლა ამ საპარლამენტო ასამბლეის  სესიას და  და ასევე ჩვენც გვეამაყება, რომ ეს სესია საქართველოში ჩავატარეთ“,-განაცხადა ალიმ და დასძინა, რომ ასამბლეა ყოველთვის მხარს უჭერდა საქართველოს ევროატლანტიკურ არჩევანს და მის გზას ინტეგრაციისკენ.

„ბოლო 15 წლის განმავლობაში ასამბლეამ ყოველთვის მხარს უჭერდა საქართველოს  ევროატლანტიკურ არჩევანს და მის გზას ინტეგრაციისაკენ. ჩვენ ერთად ვმუშაობდით კოლეგებთან საქართველოს პარლამენტში, რათა შეგვექმნა საფუძველი წევრობისათვის ჩვენ ვმუშაობდით მხარდაჭერისთვის ჩვენს მთავრობასთან და პარლამენტთან იმისათვის, რომ საქართველო ნატოში გაწევრიანდეს. საქართველოს შეიარაღებულმა ძალებმა დემონსტრირება გაუკეთეს თავიანთ პროფესიონალიზმს და მათ სურვილს, რომ მათ შეუძლიათ ინტეგრაცია ნატოს ჯარებთან. აღსანიშნავია საქართველოს წვლილი სამხედრო მისიებში - ავღანეთის მისიაში. საქართველო არის ყველაზე დიდი არაწევრი ქვეყანა, კონტრიბუტორი - განუხრელ დახმარების მისიებში. მინდა, ჩვენი განსაკუთრებული მადლიერება გამოვხატოთ საქართველოს შეიარაღებული ძალების მიმართ მათი წვლილისადმი. ასევე, პატივი მივაგოთ იმათ, ვინც სიცოცხლეს, ვინც შეეწირა ამ ძალისხმევას. მათ წინაშე სამუდამო ვალში ვართ“, - აღნიშნა ნატო-ს საპარლამენტო ასამბლეის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება

მადიარმა ორბანის მიერ გამოცხადებული საგანგებო მდგომარეობა გააუქმა

პირველკლასელთა ტერიტორიული პრინციპით რეგისტრაცია 15 მაისს დაიწყება

ტრამპმა სი ძინფინი სექტემბერში თეთრ სახლში მიიწვია