2017-05-16 11:09:39, 2249 ნახვა
სამართალი
ლაშა თორდიას სახლში გამომძიებლები მივიდნენ
სახელმწიფო აუდიტის სამსახურის ხელმძღვანელის ლაშა თორდიას სახლში გამომძიებლები მივიდნენ.
სავარაუდოდ, თორდია დღეს დაიკითხება.
თორდიამ მისი ჯანმრთელობის მდგომარეობის გამო გუშინ დაკითხვაზე უარი თქვა.
შეგახსენებთ, სახელმწიფო აუდიტის სამსახურის ხელმძღვანელს ფიზიკური შეურაცხყოფა 12 მაისს მიაყენეს. შემთხვევა თბილისში, შარდენის ქუჩაზე მდებარე ერთ-ერთ ღამის კლუბში მოხდა.
თორდიას განცხადებით, მას ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა თავს.
შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლის პირველი ნაწილით დაიწყო, რაც ძალადობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
