ეროვნულ სასწავლო ცენტრში „კრწანისი“  სამეთაურო-საშტაბო სწავლება JCATS-ის გამოყენებით მიმდინარეობს.

თავდაცვის სამინისტროს ინფორმაციით, ეროვნულ სასწავლო ცენტრს საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე ესტუმრა. გენერალური შტაბის უფროსი სწავლების მიმდინარეობის პროცესს, შტაბების მუშაობას გაეცნო და მონაწილეებს რეკომენდაციები მისცა.

ერთკვირიანი სწავლება  გენერალური შტაბის წვრთნებისა და სამხედრო განათლების სარდლობის ორგანიზებით ტარდება და  სარდლობის დაქვემდებარებული ქვედანაყოფების შტაბების მოქმედებების დახვეწას ისახავს მიზნად.

სწავლება გასულ კვირას დაიწყო და ორ ეტაპად მიმდინარეობს. პირველ  ეტაპზე დაგეგმარების სამუშაოები შესრულდა. მეორე ეტაპი საბრძოლო მოქმედებების გათამაშებას ანუ აღსრულების   ფაზას მოიცავს, რაც ძირითადად კომპიუტერული სიმულატორების მეშვეობით ხორციელდება.

გაერთიანებული კონფლიქტებისა და ტაქტიკის სიმულაციური სისტემის გამოყენებით სამეთაურო საშტაბო  სწავლებაში წვრთნებისა და სამხედრო განათლების სარდლობის დაქვემდებარებაში მყოფი სხვადასხვა ქვედანაყოფი მონაწილეობს.  სწავლების დასასრულს, მართვისა და კონტროლის შეფასება, საბრძოლო ფუნქციების ინტეგრირება და ზემდგომ და მეზობელ ქვედანაყოფებთან კოორდინაციის შეფასება მოხდება.

აღნიშნული სწავლება  „დიდგორი  2015“-ის მოსამზადებელ პერიოდს წარმოადგენს.

სწავლების მიმდინარეობის პროცესს გენერალური შტაბის უფროსის პირველი მოადგილე ბრიგადის გენერალი, ვლადიმერ ჩაჩიბაია, წვრთნებისა და სამხედრო განათლების სარდალი, სწავლების ხელმძღვანელი, პოლკოვნიკი ლევან ბერია  და  J-3 ოპერატიული დაგეგმვის დეპარტამენტის უფროსი, ბრიგადის გენერალი, გიორგი სურმავა დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა

პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს