საერთაშორისო რესპუბლიკური ინსტიტუტის (IRI)  მიერ ჩატარებული კვლევის შედეგების მიხედვით, საქართველოში მთავრობის ყველაზე წარმატებულ რეფორმად გამოკითხულთა უმრავლესობა ჯანდაცვის რეფორმას ასახელებს.

კითხვაზე, რა იყო მთავრობის მიერ განხორციელებული ყველაზე წარმატებული რეფორმა, გამოკითხულთა 18%-მა ყველაზე წარმატებულად ჯანდაცვის სისტემაში განხორციელებული რეფორმა დაასახელა. მეორე ადგილს ვიზალიბერლიზაცია და განათლების სისტემა 3-3-%-ით იკავებს.

კითხვაზე რა იყო ყველაზე დიდი ჩავარდნა, გამოკითხულთა 23% შეუსრულებელ დაპირებებს ასახელებს. მეორე ადგილზე ეკონომიკური კრიზისია.

13%-მა კითხვაზე პასუხისგან თავი შეიკავა, ხოლო 2% ამბობს, რომ მთავრობას ჩავარდნა არ ქონია.

გამოკითხვა საქართველოში, ოკუპირებული ტერიტორიების გარდა, 22 თებერვლიდან 8 მარტის პერიოდში ჩატარდა, გამოიკითხა 18 წელს ზემოთ 1501 რესპონდენტი, ცდომილება შეადგენს პლუს მინუს 2,5%. 

საერთაშორისო რესპუბლიკურმა ინსტიტუტმა (IRI) საქართველოში  ჩატარებული საზოგადოებრივი კვლევის ოფიციალური შედეგები საკუთარ ვებგვერდზე დღეს გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში