2017-03-17 20:58:34, 2496 ნახვა
სამართალი
პროკურატურამ ხატია დეკანოიძის შვილს საპროცესო შეთანხმება შესთავაზა
საქართველოს პროკურატურამ "ნაციონალური მოძრაობის" წევრის, ხატია დეკანოიძის შვილსათვის საპროცესო შეთანხმების გაფორმების გადაწყვეტილება მიიღო. ამის შესახებ უწყებაში აცხადებენ.
მათი ცნობით, ბრალდებული აღიარებს ჩადენილ დანაშაულს, არის ნასამართლობის არმქონე, ასევე არის 18 წლის და მასზე ვრცელდება არასრულწლოვანთა მართლმსაჯულების კოდექსი, ამიტომ პროკურატურამ მასთან პირობით მსჯავრზე საპროცესო შეთანხმების გაფორმების გადაწყვეტილება მიიღო.
ცნობისთვის, თორნიკე კოპალეიშვილი 14 მარტს დააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა უკვე შეფარდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
