პარლამენტში  მიმდინარე პლენარულ სხდომაზე დეპუტატები პირველი მოსმენით, „საგზაო მოძრაობის შესახებ“ საქართველოს კანონში შესატან ცვლილებებს განიხილავენ.

საკანონმდებლო პაკეტის ინიციატორი საქართველოს მთავრობაა,

კანონპროექტი ითვალისწინებს 2016 წლის 1 მარტის შემდეგ საქართველოში იმპორტირებული მარჯვენასაჭიანი და გადატანილსაჭიანი მსუბუქი ავტომობილებისა და ავტობუსების რეგისტრაციის დაუშვებლობას; სატრანსპორტო საშუალების რეგისტრაციაზე უარის თქმის შემთხვევაში გათვალისწინებულია შსს-ს მომსახურების სააგენტოს მიერ სატრანსპორტო საშუალებაზე დასამაგრებელი სპეციალური სტიკერის გაცემა, რომელიც უფლებას ანიჭებს მსუბუქი ავტომობილის ან ავტობუსის მესაკუთრეს/მფლობელს მხოლოდ 72 საათის განმავლობაში გადააადგილოს სატრანსპორტო საშუალება საქართველოს საბაჟო ტერიტორიაზე. 

გარდა ამისა, კანონპროექტით ხდება მართვის მოწმობაზე 100 ქულიანი სისტემის შემოღება, აღნიშნული ქულები შემცირდება განსაზღვრული ადმინისტრაციული სამართალდარღვევების ჩადენის შემთხვევებში. კანონს ემატება დანართი, რომელიც განსაზღვრავს მართვის მოწმობისთვის მინიჭებულ ქულათა შემცირების ცხრილს (ადმინისტრაციულ სამართალდარღვევათა კოდექსით გათვალისწინებულ სატრანსპორტო ხასიათის სამართალდარღვევებზე მითითებით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა