საქართველოს პრეზიდენტი გიორგი მარგველაშვილი საპარლამენტო ფრაქციებს, ე.წ. ფარული მოსმემენების შესახებ კანონზე ხელმოწერის გადაწყვეტილების მიღებამდე, კონსულტაციებს სთავაზობს, - ამის შესახებ პრეზიდენტის საპარლამენტო მდივანმა ანა დოლიძემ განაცხადა.

როგორც დოლიძემ აღნიშნა, დოკუმენტი ადმინისტრაციაში ხელმოსაწერად უკვე შესულია.

"ადმინისტრაციას კანონთან დაკავშირებით კითხვები აქვს. პირველი რამდენად შეესაბამება ახლად შესაქმნელი სააგენტოს სტრუქტურა საკონსტიტუციო სასამართლოს გადაწყვეტილებას და მეორე - რამდენად გამართლებულია ის ტვირთი, რომელსაც კანონი კერძო ბიზნესსა და კომპანიებს აკისრებს ," - განაცხადა პრეზიდენტის საპარლამენტო მდივანმა. 

პრეზიდენტის ადმინისტრაციაში პაკეტი ხელმოსაწერად 6 მარტს შევიდა. გიორგი მარგველაშვილს ხელმოსაწერად 10 დღიანი ვადა აქვს. რამდენიმე კვირის წინ, გადაცემამ "არჩევანში" სტუმრობისას, მარგველაშვილმა არ დააკონკრეტა გამოიყენებს თუ არა ვეტოს უფლებას თუ კანონპროექტს იმ სახით მიიღებენ, როგორი სახითაც ის პარლამენტში იყო ინიცირებული. "ვნახავ, რა კანონპროექტი იქნება და ამის მერე მივიღებ გადაწყვეტილებას", - განაცხადა ანა დოლიძემ.

შეგახსენებთ, რომ საქართველოს პარლამენტმა 1 მარტს ფარული საგამოძიებო ქმედებების შესახებ საკანონმდებლო პაკეტი მესამე მოსმენით, 84 დეპუტატი 3-ის წინააღმდეგ, დაამტკიცა. სხდომას ბოიკოტის ნიშნად "პატრიოტთა ალიანსი" და "ევროპული საქართველო" არ დაესწრო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა