ჩვენ ამ ნაბიჯს ვდგამთ არა გიორგი მარგველაშვილისთვის, არამედ გიორგი მარგველაშვილის ფაქტორის გამო, - ამის შესახებ პარლამენტის თავმჯდომარე ირაკლი კობახიძემ გადაცემა "არჩევანში" პრეზიდენტის არჩევის წესზე საუბრისას განაცხადა.

როგორც მან განაცხადა, კონსტიტუცია უნდა იცვლებოდეს გრძელვადიანი ხედვის საფუძველზე და არა კონკრეტულ სუბიექტებზე მორგებით. ირაკლი კობახიძის განცხადებით, კომისიაში პრეზიდენტის არჩევის წესი განიხილეს, თუმცა საუბარი მხოლოდ გრძელვადიან გეგმაზე იყო.

"მხოლოდ გიორგი მარგველაშვილის და მისი ადმინისტრაციის მხრიდან გახდა ეს სპეკულაციების საგანი და ესენი იყვნენ ნაციონალების წარმომადგენლები, სხვას სპეკულირება ამ თემაზე არ დაუწყია და ყველა მიხვდა, რა იგულისხმებოდა ჩემს განცხადებაში", - განაცხადა ირაკლი კობახიძემ.

მისი თქმით, კომისიის წევრებს ამ საკითხზე ჰქონდა საუბარი პრეზიდენტის არჩევის წესთან დაკავშრებით საერთაშირისო პარტნიორებთანაც. ის აღნიშნავს, რომ კოლეგების რჩევით, კომისიამ 2018 წელს პირდაპირი არჩევის წესი დატოვა.

„ვინმემ რომ არ თქვას, რომ ცვლილება ხორციელდება კონსტიტუციაში იმისთვის, რომ კონკრეტულ პირს არ მიეცეს არჩევნებში მონაწილეობის საშუალება, ანუ ამის თქმის საშუალება რომ არავის ჰქონდეს, საბაბიც რომ არ ჰქონდეს, სწორედ და ამიტომ გადავდივართ არაპირდაპირ არჩევნებზე ორსაფეხურიანი სისტემით, თორემ ჩვენ გვგონია, რომ არაპირდაპირი არჩევნებით ეს სისტემა უფრო კარგად იფუნქციონირებს“, - განაცხადა ირკალი კობახიძემ.

მისივე განცხადებით, საქართველოს პრეზიდენტი კომისიის რეპუტაციის შელახვას ცდილობს.

„პრეზიდენტმა არაერთი განცხადებით ამ დღეების განმავლობაში სცადა დისკრედიტირება სახელმწიფო საკონსტიტუციო კომისიის. ეს იყო შეურაცხყოფა კომისიის მთლიანად და მან სცადა საზოგადოების შეცდომაში შეყვანა“, - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა