თბილისის დროით 21:00 საათზე დონალდ ტრამპი აშშ-ის 45-ე პრეზიდენტი გახდა.

არჩეულმა პრეზიდენტმა ფიცი ორ ბიბლიაზე დადო. ერთ-ერთი ბიბლია, რომელზეც რესპუბლიკელმა პრეზიდენტმა ფიცი დადო, აბრაამ ლინკოლნის პირადი ბიბლიაა და ტრადიციულად ინაუგურაციის დროს გამოიყენება, ხოლო მეორე, დონალდ ტრამპის ბიბლიაა, რომელიც მას დედამისმა 1955 წელს სკოლის დამთავრების შემდეგ აჩუქა.

დონალდ ტრამპის ინაუგურაციას აშშ-ის ყოფილი პრეზიდენტი ბილ კლინტონი, არჩევნებში დამარცხებული დემოკრატი კანდიდატი ჰილარი კლინტონი, ბარაკ და მიშელ ობამები, ჯორჯ ბუშ უმცროსი სხვა პოლიტიკოსებთან ერთად ესწრებიან.

ინფორმაციისთვის, ცოტა ხნის წინ, არჩევნებში მონაწილე დემოკრატმა ჰილარი კლინტონმა Twitter-ის პირად გვერდზე დაწერა, რომ მას სწამს ქვეყნის მომავლის და ის ტრამპის ინაუგურაციას დემოკრატიის პატივსაცემად ესწრება.

ცნობისთვის, ინაუგურაციის პარალელურად ქვეყნის მასშტაბით არჩეული პრეზიდენტის წინააღმდეგ საპროტესტო აქციები მიმდინაროებს. მანჰეტენზე გამართულ მიტინგში მონაწიელობა ჰოლივუდის ვარკვლავებმაც მიიღეს. მომიტინგეებმა ვაშინგტონში 20 ძირითადი ქუჩა გადაკეტეს, უსაფრთხოების მიზნით ადგილზე 3.000 სამართალდამცველი და აშშ-ის ეროვნული გვარდიის 5.000 მებრძლია მობილიზებული. მედიის ინფორმაციით, 45-ე პრეზიდენტის ინაუგურაციის ცერემონიალი 177-200 მილიონი დოლარი დაჯდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას