საქართველოს ენერგეტიკის მინისტრი კახა კალაძე მზად არის, უმრავლესობის დეპუტატების დაინტერესების შემთხვევაში, პარლამენტში მივიდეს. ამის შესახებ მინისტრმა დღეს გამართულ პრესკონფერენციაზე განაცხადა. 

კახა კალაძემ „ნაციონალური მოძრაობის" მოთხოვნას, „გაზპრომის" საკითხზე პარლამენტში მისვლასთან დაკავშირებით, უპასუხა და აღნიშნა, რომ  აბსოლუტურად მიუღებელია ამ ადამიანების მხრიდან ეს განცხადებები.

”ზოგადად, რაც ეხება ოპოზიციის განცხადებებს, ვინ არიან ეს ადამიანები? ისინი არიან ”ნაციონალური მოძრაობის” წევრები, ადამიანები, რომლებმაც 2008 წელს ჩვენი ტერიტორიების დიდი ნაწილი ჩააბარეს რუსეთს თავისი გაუაზრებელი პოლიტიკით და დღეს გამოდიან და ჩვენს ხელისუფლებაზე ამბობებნ, რომ გაფორმებული ხელშეკრულება არის ღალატი. აბსოლუტურად მიუღებელია ამ ადამიანების მხრიდან ეს განცხადებები. თუ უმრავლესობის დეპუტატებს ექნებათ სურვილი იმისა, რომ უფრო დეტალებში მიიღონ ინფორმაცია ამ კონკრეტულ ხელშეკრულებასთან დაკავშირებით, მე მზად ვარ მივიდე ჩემი გუნდით, მოადგილეებით და მივაწოდოთ დეტალური ინფორმაცია”, - განაცხადა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს