„რუსთავი 2“-ის გენერალური დირექტორის, ნიკა გვარამიას ცემის ფაქტზე დაკავებულ რატი გაჩეჩილაძეს ბრალი ოფიციალურად წაუყენეს. 

იგი ბრალდებულად სცნეს სისხლის სამართლის კოდექსის 126-ე მულხის პირველი ნაწილით, რაც ცემას გულისხმობს.

დაზარალებული მხარის მოთხოვნის მიუხედავად, მუხლის გადაკვალიფიცირება არ მოხდა.

გაჩეჩილაძის ადვოკატი ლილი გელაშვილი მიიჩნევს, რომ რატი გაჩეჩილაძეს ბრალი მძიმე მუხლით აქვს წარდგენილი:

„რაც შეეხება კვალიფიკაციის შეცვლას, არათუ დამძიმების მიზნით, არამედ მიგვაჩნია, რომ ეს მუხლიც არაა სწორი.ერთი ორი დარტყმა, ეს იყო ადმინისტრაციულად დასჯადი ქმედება, არ უნდა დაწყებულიყო სისხლის სამართლებრივი დევნა. პოლიტიკურ ჩარჩოებში ცდილობს გადაიყვანოს ნიკა გვარამიამ, რაც აბსურდია. მოტივი იყო ნიკა გავრამიას მხრიდან პირადად მისი მამის და ბიძის  ინტენსიური ყოველდღიური შეურაცხმყოფელი განცხადებების  გაკეთება. ეს იყო ნასვამი ადამიანის დაგროვებული ბოღმა, ნიკა გარამიასგან წარმოთქმულმა შეურაცხმყოფელმა ფრაზამ გამოიწვია გაღიზიანება გაჩეჩილაძის  მხრიდან, მივიდა და დაარტყა“, - აღნიშნა ადვოკატმა.

პარალელურად  პოლიციის მთავარ სამმართველოში მოწმეთა გამოკითხვები მიმდინარეობს.

რატი გაჩეჩილაძე  დროებითი მოთავსების იზოლატორში იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: რუსთავში ჩხუბისას კაცი წაიქცა, დაზიანება მიიღო, გარდაიცვალა - დაკავებულია 5 პირი

Freedom House: აშშ-სთან ურთიერთობის გადატვირთვა პატიმრების გათავისუფლების გარეშე არ მოხდება

დონალდ ტრამპი - აშშ დღეს ღამით ძალიან ძლიერად დაარტყამს ირანს

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ