საქართველოს საგარეო საქმეთა მინისტრი მიხეილ ჯანელიძე ვიზალიბერალიზაციის საკითხს გამოეხმაურა.

ჯანელიძის განცხადებით, პრეტენზიები იმასთან დაკავშირებით, რომ თითქოს საქართველოს მთავრობამ რაღაც ვერ გააკეთა კარგად, რის გამოც ქვეყანა გარკვეული პროცესების მსხვერპლი გახდა, უსაფუძვლოა.

როგორც მინისტრმა განმარტა, საქართველოს ვიზალიბერალიზაციის სამოქმედო გეგმა ყველაზე გვიან გადმოეცა, თუმცა აღმოსავლეთ პარტნიორობის წევრებს შორის დავალება ყველაზე მოკლე ხანში შეასრულა.

მისივე თქმით, საქართველომ მასზე დაკისრებული ყველა ვალდებულება დროულად და ეფექტურად განახორციელა, თუმცა ევროკავშირის გარშემო მძიმე ვითარება შეიქმნა. ჯანელიძემ იგულისხმა უკრაინასა და სირიაში მიმდინარე მოვლენები, რამაც გავლენა იქონია არა მხოლოდ ევროკავშირის, არამედ ევროკავშირის წევრი ქვეყნების გადაწყვეტილებებზე.

„ისმოდა პრეტენზიები, რომ საქართველოს მთავრობამ რაღაც ვერ გააკეთა დროულად და გავხდით მსხვერპლი გარკვეული პროცესებისა. საქართველომ აღმოსავლეთ პარტნიორობის ქვეყნებს შორის ყველაზე მოკლე ხანში შეასრულა საშინაო დავალება. ვიზალიბერალიზაციის გეგმა, სამწუხაროდ, ყველა დაგვიანებით მივიღეთ. თუმცა, მას შემდეგ რაც მივიღეთ, რეკორდულ დროში შევასრულეთ. ჩვენ ეფექტურად მოვახდინეთ ყველა რეფორმის განხორციელება, რომელიც საქართველოს მთავრობის წინაშე იდგა. მიუხედავად ამისა, ძალიან მძიმე გარემო შეიქმნა ევროკავშირის გარეშემო. უკრაინაში, სირიაში განვითარებული მოვლენები, მოგეხსენებათ, მიგრანტების კრიზისმა დიდი გავლენა იქონია არა მხოლოდ ევროკავშირზე, არამედ მისი წევრების გადაწყვეტილებაზე. ამან გამოიწვია ის, რომ დაფიქრებულიყო ევროკავშირი, რა ბერკეტები ექნებოდა კრიზისიდან  გამოსვლის. ევროკავშირის წევრმა ქვეყნებმა გადაწყვიტეს ამ ბერკეტის განახლება, შემუშავება. საქართველოსთან დაკავშირებით ბევრი შეხვედრის შედეგად, რეფორმების შედეგად, ბოლო ერთი წლის განმავლობაში კითხვები არ არსებობდა და ყველა აღიარებდა, რომ საქართველოსთვის ვიზალიბერალიზაცია გადაწყვეტილი პროცესია. მიუხედავად ამისა, საჭირო იყო ყოველდღიური კონტაქტი, რასაც ვახორციელებდით. ასევე ვახორციელებდით მრავალმხრივ ვიზიტებს ამ საკითხთან დაკავშირებით. ხდებოდა საქართველოს საკითხის აქტუალობის მაქსიმალურად შენარჩუნება ევროკავშირის დღის წესრიგში და საბოლოოდ, ამან შედეგი გამოიღო“, - განაცხადა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს

სერბეთის პატრიარქი პორფირიე - ქართველმა ხალხმა მიიღო სათნო მამა, კეთილი მწყემსი და დაუღალავი მასწავლებელი