„რაც დღეს ხდება ლარის კურსთან დაკავშირებით, ეს არის ის ვალატილობა, რომელიც აისახება თურქეთის ლირასთან მიმართებაში. შესაბამისად, ეს  მოკლევადიანი თემაა“,-ასე გამოეხმაურა ეკონომიკის მინისტრი გიორგი გახარია საქართველოში ეროვნული ვალუტის მკვეთრ გაუფასურებას.

როგორც გახარიამ თემის კომენტირებისას ჟურნალისტებს განუცხადა,  ძირითად სავაჭრო პარტნიორებში მიმდინარე მოვლენები, საქართველოზე გავლენას ახდენს. თუმცა, გახარია ლარის კურსის დასტაბილურებას ელოდება:

„ჩვენ ვართ პატარა, ღია ეკონომიკა. მოვლენები, რომლებიც ვითარდება ჩვენს ძირითად სავაჭრო პარტნიორებში, შეუძლებელია, ჩვენს ეკონომიკაზე  არ აისახოს. ჩვენ ველოდებით დასტაბილურებას“, - განაცხადა გიორგი გახარიამ და დასძინა, რომ მთავრობის ოთხპუნქტიანი გეგმა სწორედ ეკონიმიკის განვითარებისკენ და კურსის დასტაბილურებისკენაა მიმართული.

 გიორგი გახარია ასევე გამოეხმაურა ენერგეტიკის მინისტრის მიერ დაგეგმილ შეხვედრებს რუსულ კომპანიების„გაზპრომ-ექსპორტისა“ და კომპანია „ინტერ-რაოს“ ხელმძღვანელობასთან.

გახარია ამბობს, რომ ეს  სტანდარტული მოლაპარაკებებია, რომელიც ყოველწლიურად იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება