2015-01-12 11:00:05, 2014 ნახვა

---

განაჩენის დასაბუთების სტანდარტებზე მომუშავე კომისია შედეგების პრეზენტაციას სავარაუდოდ თებერვლის შუა რიცხვებში გამართავს

უზენაესი  სასამართლოს თავჯდომარე კოტე კუბლაშვილი განაჩენის დასაბუთების სტანდარტების საკითხზე მომუშავე კომისიის ფარგლებში მოსამართლეებთან და ევროპელ ექსპერტებთან ბოლო შეხვედრას მართავს. 

შეხვედრა განაჩენის დასაბუთების სტანდარტებს ეხება. 

დღევანდელ შეხვედრაზე ევროპელი ექსპერტისგან ევროპული სასამართლო პრაქტიკის შესახებ ინფორმაციას მოისმენენ.

კუბლაშვილის ინფორმაციით, სავარაუდოდ თებერვლის შუა რიცხვებში, კომისია განაჩენის დასაბუთების სტანდარტების შესახებ პრეზენტაციას წარმოადგენს. 

„ჩვენ სასამართლო რეფორმის ფარგლებში დიდი ხანია ვმუშაობთ იმაზე, რომ განაჩენები უფრო კარგად იყოს დასაბუთებული, ვიდრე ეს მანამდე იყო და ამისთვის ძალიან ბევრი რამ გავაკეთეთ. საბოლოოდ გადავწყვიტეთ, სპეციალური კომისია შეგვექმნა და ამ კომისიის ფარგლებში დღეს, ფაქტობრივად ბოლო შეხვედრა გვაქვს. მოვისმენთ ევროპული სასამართლოს პრაქტიკას. ამ საკითხზე ევროპელი ექსპერტი გვყავს მოწვეული. მე ვფიქრობ, რომ უკვე თებერვლის შუა რიცხვებში იქნება პრეზენტაცია იმ შედეგებისა, რაც ამ კომისიამ მოამზადა. ვფიქრობ, კარგი შედეგი გვექნება. ეს ყველაფერი წარმოდგენილი იქნება მოსამართლეებისათვის სპეციალურ ტრენინგებზე, რომელიც მთელი  2015 წლის განმავლობაში ჩატარდება. ამ შედეგებიდან გამომდინარე, დარწმუნებული ვარ, დასაბუთების ხარისხი კიდევ უფრო ამაღლდება და გაუმჯობესდება, იმიტომ,რომ ბევრი რამ რაც გავაკეთეთ, პირდაპირ შეუძლიათ მოსამართლეებს  თავიანთი განაჩენების დაწერის პროცესში გამოიყენონ“, – აღნიშნა კუბლაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი