ვანო ჩხარტიშვილმა მთავრობის წინაშე აღებული საინვესტიციო ვალდებულება არ შეასრულა.

ამ თემაზე აქვეყნებს გაზეთი ვერსია დღევანდელ ნომერში სტატიას, რომელშიც მოთხრობილია თუ როგორ დაუბრუნა ახალმა ხელისუფლებამ 2014 წელს ბიზნესმენ ვანო ჩხარტიშვილის ნაციონალების მთავრობის მიერ ჩამორთმეული მიწის ნაკვეთი სიღნაღში, თუმცა ეს გარკვეული ვალდებულებებით მოხდა. ჩხარტიშვილს მთავრობის წინაშე აღებული ვალდებულებები ამ დრომდე არ შეუსრულებია. მთავრობის განკარგულებაში, რომელიც ჩხარტიშვილისთვის მიწის დაბრუნების შესახებ პრემიერ მინისტრმა ირაკლი ღარიბაშვილმა გამოსცა, მითითებული იყო, რომ ჩხარტიშვილს აღნიშნულ ნაკვეთზე უნდა აეშენებინა სასტუმრო, შესაბამისი ინფრასტრუქტურა განევითარებინა და ადგილობრივი მოსახლეობა დაესაქმებინა. ამ ყველაფრისთვის მას ორწლიანი ვადა ქონდა. თუმცა მას შემდეგ, რაც ჩხარტიშვილმა ამ ორი წლის მანძილზე ინვესტიცია არ განახორციელა, სანქციების ნაცვლად მთავრობამ 2016 წლის მაისში ახალი განკარგულება გამოსცა, რომლითაც ბიზნესმენს მისთვის ხელსაყრელი პირობები და  სამუშაოებისთვის 60 თვიანი ვადა გამოუყო.

ამავე სტატიაში მოყვანილია ქართუ ბანკის იმჟამინდელი პრეზიდენტის ნოდარ ჯავახიშვილის კომენტარი, რომელიც მან 2014 წელს გადაცემა ბიზნესკურიერში გააკეთა. ,,წეღან, თქვენს სიუჟეტში აჩვენეთ, რომ ვანო ჩხარტიშვილს რაღაცა დაუბრუნებია. თუ მანდედან დაიწყებ აღდგენას, მაშინ სამართლიანობიდან ძალიან შორს ხარ. იქნებ, ჯერ ვანო ჩხარტიშვილს ჰკითხონ, საიდან ჰქონდა ეს ქონება? უსამართლობა მხოლოდ ის არის, როცა ვანო ჩხარტიშვილი კარგავს? მთელ საქართველოს რომ პარავდა ფულს, ის არ იყო უსამართლობა?! რაღაცა ეტაპიდან რომ იწყებ, ზუსტად მანდ გადიხარ. როცა საქართველოს სამმილიონნახევარ მოსახლეობას ქურდავდა და აყაჩაღებდა, თურმე, ის არ ყოფილა დანაშაული და ახლა, თურმე, მილიონი დაუბრუნებია და სამართლიანობა აღდგა. ეს არ არის სამართლიანობა“ – თქვა მაშინ ჯავახიშვილმა.  

გაზეთი, მას შემდეგ, რაც ვანო ჩხარტიშვილის კომპანია ,,სომგოს“ წარმომადგენელთან დაკავშირება არ მოხერხდა, სიღნაღის მუნიციპალიტეტის გამგებელს, დავით ჯანიკაშვილს დაუკავშირდა. ჯანიკაშვილმა ჟურნალისტს დაუდასტურა, რომ ამ დრომდე ადგილზე მხოლოდ ძველი ნაგებობების დემონტაჟია გახორციელებული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება