დავით სერგეენკო: ამ ეტაპზე ეპიდემიის არავითარი საფრთხე არ არსებობს

2016-11-22 16:15:14, 1260 ნახვა

კომენტარი

ჯანდაცვის მინისტრობის კანდიდატის დავით სერგეენკოს განცახდებით, ამ ეტაპზე ეპიდემიის არავითარი საფრთხე არ არსებობს.

როგორც მან ჟურნალისტებს განუმარტა, სეზონურ გრიპებზე რეაგირებისთვის ჯანდაცვის სამინისტრო მზადაა.

„ყოველ გაზაფხულ-შემოდგომის სეზონზე აქტიურდება სეზონური გრიპი. ასეთ შემთხვევებზე რეაგირებისთვის ჯანდაცვის სამინისტრო მზად არის. რაც შეეხება რეკომენდაციებს, ეს არის ის ზოგადი რეკომენდაციები, რომელიც არაერთხელ გაგვიცია მოსახლეობისთვის. ეს არის ცხელებისა და ძლიერი ტკივილების დროს ექიმისთვის მიმართვიანობა და აუცილებლად ხელების სისუფთავე, რადგან ვირუსის მთავარი გადამტანი არის ხელები”, - განაცხადა დავით სერგეენკომ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან