„ნაციონალური მოძრაობის“ წარმომადგენელთა მხრიდან ვრცელდება იფნორმაცია, რომ ჩვენი მხრიდან სპორტმენების მობილიზაცია ხდება, ეს არის სიცრუე, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ბრიფინგზე განაცხადა.

როგორც კობახიძემ აღნიშნა, არჩევნები არსებითად მშვიდ გარემოში მიმდინარეობს.

„საარჩევნო უბნებზე მნიშვნელოვანი დარღვევები არ ფიქსირდება. ამასთან, ვრცელდება „ნაციონალური მოძრაობის“ წარმომადგენელთა მხრიდან ინფორმაცია, რომ რამდენიმე ქალაქში, ქუთაისში, გორში და რუსთავში, თითქოს იგეგმება გარკვეული პროვოკაციები და თითქოს ჩვენი მხრიდან სპორტმენების მობილიზაცია ხდება, რაც არის სიცრუე. ამაზე შეგვიძლია თამამად ვისაუბროთ. ამასთან დაკავშირებით, ვერც ერთი ფაქტი ვერ იქნება წარმოდგენილი. ეს არის დეზინფორმაცია. ეს ყველაფერი შესაძლოა იმაზე მიანიშნებდეს, რომ თვითონ „ნაციონალურ მოძრაობას“ შეიძლება გარკვეული პროვოკაციები ჰქონდეს დაგეგმილი“, - განაცხადა კობახიძემ.

მმართველი გუნდის აღმასრულებელმა მდივანმა კიდევ ერთხელ მოუწოდა ამომრჩეველს აქტიურობისკენ და მხარდაწერებს მიმართა, ოპონენტების შესაძლო პროვოკაციებს არ აყვნენ.

„მოვუწოდებთ ჩვენ აქტივისტებს, მაქსიმალურად შეიკავონ თავი ასეთ ინციდენტებში მონაწიელობისგან. არავითარ შემთხვევაში არ აყვნენ პროვოკაციას. როგორც კი ნახავენ, რომ ასეთი ტიპის პროვოკაციას აქვს ადგილი, ისინი მაშინვე უნდა დაუკავშირდნენ სამართალდამცავ ორგანოებს”, - განაცხადა კობახიძემ.

ცნობისთვის, „ერთიანი ნაციონალური მოძრაობის“ წევრმა თინა ბოკუჩავამ განაცხადა, რომ  რამდენიმე ოლქში დაპირისპირების საფრთხე არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს