ცენტრალურმა საარჩევნო კომისიამ 12:00 საათის მდგომარეობით ამომრჩეველთა აქტივობა გამოაქვეყნა.

როგორც ცესკოს სპიკერმა ანა მიქელაძემ გამართულ ბრიფინგზე განაცხადა, ამ დროისათვის ყველა საარჩევნო უბანზე  ამომრჩეველთა აქტივობამ 12.71% შეადგინა, რაც რაოდენობრივად 315009  ამომრჩეველია.

რაც შეეხება ოლქების მიხედვით აქტივობას,  საარჩევნო ადმინისტრაციის ცნობით, ყველაზე მეტი ამომრჩეველი კვლავ 37- ე მაჟორიტარული საარჩევნო ოლქის მცხეთის საოლქო- საარჩევნო კომისიის სამოქმედო ტერიტორიაზე დაფიქსირდა, სადაც ამომრჩეველთა აქტივობამ 22.7 % შეადგინა. ასევე ყველაზე მაღალი აქტივობა დაფიქსირდა 60-ე მაჟორიტარული ოლქის ლანჩხუთი/ ჩოხატაურის საოლქო-საარჩევნო კომისიების სამოქმედო ტერიტორიაზე -19.9 % და #51-ე  მაჟორიტარული ოლქის ბაღდათი/ხარაგაულის საოლქო- საარჩევნო კომისიების სამოქმედო ტერიტორიზე-18.5%.

12:00 საათის მდგომარეობით, ყველაზე ნაკლები აქტივობა დაფიქსირდა - ისნის საოლქო-საარჩევნო  კომისიის სამოქმედო ტერიტორიაზე (7.9%)  და გორის საოლქო-საარჩევნო კომისიების სამოქმედო ტერიტორიებზე (7.2%).

ცესკო-ს ინფორმაციით, ამ დროისთვის საარჩევნო პროცესი მშვიდ ვითარებაში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს