„ქართული ოცნების“ მაჟორიტარების ნახევარს შეეძლო პირველსავე ტურში გამარჯვება, თუმცა რატომღაც გაყალბდა ძალიან ბევრი ბიულეტენი, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა ხმის მიცემის შემდეგ ჟურნალისტებს განუცხადა.

მისი განცხადებით, ამდენი მეორე ტური მოსალოდნელი არ იყო.

„ამდენ მეორე ტურს აქვს თავის მიზეზები, მე არ ვისაუბრებ ტექნიკურ მიზეზებზე, უნდა ყოფილიყო უფრო ნაკლები მეორე ტური. ბევრი ბიულეტენი გაყალბდა თუ გაქვთ ინფორმაცია, შეგიძლიათ, დააზუსტოთ, ვინ გააყალბა და რატომ. „ქართული ოცნების“ მაჟორიტარების ნახევარს შეეძლო პირველსავე ტურში გამარჯვება, თუმცა რატომღაც გაყალბდა ძალიან ბევრი ბიულეტენი. ამის ოსტატები სად იყვნენ და როგორ იყვნენ, თქვენ კარგად იცით, ალბათ იქიდან მოდიოდა ესეც“, - განაცხადა ბიძინა ივანიშვილმა.

მისივე განცხადებით, ის დაკნინებულად აფასებდა "ნაციონალურ მოძრაობას", თუმცა იცოდა, რომ მათ მეორე ადგილი უნდა აეღო.

„ჩვენ ვატარებდით კვლევებს და ვიცოდით ხალხის აზრი. „ქართულ ოცნებასთან“ დაკავშირებით თითქმის ძალიან დიდი სიზუსტით გავაკეთე სტატისტიკა, რამეთუ კვლევებს ვატარებდი სტაბილურად. ერთადერთი შეიძლება გადაჭარბებულად, ამაღლებულად, უფრო სწორად დაკნინებულად ვაფასებდი „ნაციონალურ მოძრაობა“, თუმცა აქაც დაახლოებით  ვიცოდით, რომ მეორე ადგილი უნდა აეღო „ნაციონალურ მოძრაობას“, - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს