10:00 საათის მონაცემებით, ქუთაისის 129-ე საარჩევნო უბანზე საკუთარი არჩევანი უკვე 7293 ამომრჩეველმა გააკეთა, რაც ამომრჩეველთა საერთო რაოდენობის 4,51 % გულისხმობს.

როგორც ქუთაისის საოლქო საარჩევნო კომისიაში აცხადებენ, ამ დროისთვის მნიშვნელოვანი ტიპის დარღვევები არ ფიქსირდება და ხმის მიცემა მშვიდ ვითარებაში მიმდინრეობს.

აღსანიშნავია, რომ ქუთაისის 59-ე საოლქო საარჩევნო კომისიაში მხოლოდ ერთი საჩივარია დაწერილი, რომელიც საია–ს მიერ არის დაწერილი. საჩივარი კომისიის მდივნის მიერ საკონტროლო ფურცლის შეცდომით შევსებას ეხება.

საოლქო საარჩევნო კომისიის თავმჯდომარის დავით ოსეფაიშვილის განცხადებით, აღნიშნულს საარჩევნო პროცესზე გავლენა არ მოუხდენია.

ცნობისთვის, ქუთაისის სამ საარჩევნო ოლქში ერთმანეთს "ქართული ოცნებისა" და "ნაციონალური მოძრაობის" მაჟორიტარობის კანდიდატები უპირისპირდებიან, კერძოდ - გიგი წერეთელი ("ნაციონალური მოძრაობა") და კობა ნარჩემაშვილი ("ქართული ოცნება"); აკაკი ბობოხიძე( "ნაციონალური მოძრაობა) " და დიმიტრი მხეიძე("ქართული ოცნება"); გიორგი თევდორაძე ("ნაციონალური მოძრაობა") და გენადი მარგველაშვილი ("ქართული ოცნება"). ქუთაისში რეგისტირებულ 161 700 ამომრჩეველს ყოფილი და მოქმედი ხელისუფლების კანდიდატებს შორის მოუწევს არჩევანის გაკეთება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს