„ეროვნული ფორუმის“ ერთ-ერთი ლიდერი ანი მიროტაძე ეჭვქვეშ აყენებს თავდაცვის მინისტრის ლევან იზორიას კომპეტენციას. როგორც პარტიის მიერ გავრცელებულ განცხადებაშია ნათქვამი, მიროტაძე მიიჩნევს, რომ საქართველოს თავდაცვის მინისტრის ნატოს მინისტერიალზე არდასწრება ამ ხელისუფლების მხრიდან ქვეყნის აბუჩად აგდებაა.

„მაინტერესებს ჩემი ქვეყნის თავდაცვის მინისტრი, ლევან იზორია იყო თუ არა საქმის კურსში ნატოს იმ განცხადებაზე, რომ თურმე ნატომ უფრო აქტიურად უნდა იზრუნოს შავი ზღვის რეგიონის უსაფრთხოებაზე, იცოდა თუ არა ამის შესახებ ლევან იზორიამ, თუ იმანაც ჩვენსავით ტელევიზიებით გაიგო ეს ამბავი.

გასაგებია, რუსეთი ოკუპანტია და აგრესორია, გასაგებია, რომ აგერ 40 კილომეტრში დგას საქართველოს საზღვართან, გასაგებია,რომ ნებისმიერ დროს ნებისმიერი სახის დარტყმას უნდა ველოდებოდეთ მისგან, მაგრამ საინტერესოა აბსოლუტური ძალაუფლების მქონე ბიძინა ივანიშვილის  ხელისუფლებას აქვს თუ არა გააზრებული ის პასუხისმგებლობა, რომელიც ქვეყნისა და ჩვენი მოქალაქეების წინაშე აქვს აღებული, როგორც შიდა, ისე გარე საფრთხეებთან დაკავშირებით. ძალიან მეეჭვება მას ეს გააზრებული ჰქონდეს, რადგან სახელმწიფო უსაფრთხოების სამსახური, რომლის ძირითადი ფუნქცია ქვეყნის უსაფრთხოებაა, დაკავებულია მხოლოდ არჩევნებით და ყველა ღონეს ხმარობს, საკონტროლო პაკეტი მოიპოვონ პარლამენტში და ყველა მეთოდის გამოყენერბით გააქრონ ოპოზიციური სპექტრი",-აღნიშნავს ანი მიროტაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს