საქართველოს პარლამენტის არჩევნების მაჟორიტარული საარჩევნო სისტემით განმეორებითი კენჭისყრა 4 საარჩევნო უბანზე იმართება.

განმეორებითი კენჭისყრა ზუგდიდის მუნიციპალიტეტის სოფელ ჯიხაშკარის ორ  და სოფელ განმუხურის ერთ უბანზე (№66.67.38, №66.67.79 და №66.67.108), ასევე მარნეულის მუნიციპალიტეტის სოფელ ყიზილაჯლოს ერთ საარჩევნო უბანზე (№36.22.48) მიმდინარეობს.

ზუგიდის მაჟორიტარულ საარჩევნო ოლქში აღნიშნულ 3 საარჩევნო უბანზე, ასევე იმართება ზუგდიდის მუნიციპალიტეტის გამგებლის რიგგარეშე არჩევნების განმეორებითი კენჭისყრა. (შესაბამისად, ამომრჩევლები ზუგდიდის მუნიციპალიტეტის საარჩევნო უბნებზე მიიღებენ 2-2 ბიულეტენს, ხოლო მარნეულში - ერთს).

ცნობისთვის, ჯიხაშკარსა და ყიზილაჯლოში 8 ოქტომბერს მომხდარი ინციდენტების გამო, არჩევნები  ჩაშლილად გამოცხადდა, განმუხურში კი, შედეგები ბათილად ცნეს.

შეგახსენებთ,  ზუგდიდში „ქართული ოცნების“ მაჟორიტარობის კანდიდატმა ედიშერ თოლორაიამ ხმათა 47,37% მოაგროვა, ხოლო „ნაციონალური მოძრაობის“ კანდიდატმა სანდრა რულოვსმა - 45,71%.

რაც შეეხება მარნეულს, მარნეულში  „ერთიანი ნაციონალური მოძრაობის“ კანდიდატ აკმამედ იმამკულიევს ხმათა 47,91% აქვს, „ქართული ოცნების“ კანდიდატ თამაზ ნავერიანს კი, 43,41%.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს