ტრანსგენდერი მოქალაქის განზრახ მკვლელობის მცდელობაში ბრალდებულ პირს აღკვეთის ღონისძიების სახით პატიმრობა შეეფარდა.

პროკურორების მოთხოვნა მოსამართლე რევაზ ნადარაიამ სრულად დააკმაყოფილა და ბრალდებულ გიორგი მურჯიკნელს აღკვეთის ღონისძიების სახით პატიმრობა შეუფარდა.

პროცესის პარალელურად, სასამართლოს ეზოში ტრანსგენდერი მოქალაქის მხარდამჭერი აქცია გაიმართა. აქციის მონაწილეებმა სახელმწიფოსგან ქმედითი ნაბიჯების გადადგმა და მუხლის გადაკვალიფიცირება მოითხოვეს.

ცნობისთვის, ორთაჭალაში რამდენიმე დღის წინ 32 წლის მოქალაქეს ორმა პირმა მრავლობითი ჭრილობები მიაყენა და ფიზიკურად გაუსწორდა. დაზარალებულის მდგომარეობა მძიმეა. სამართალდამცველებმა თავდასხმაში ბრალდებული ერთი პირი დააკავეს.

გამოძიება განზრახ მკვლელობის მცდელობის ფაქტზე მიმდინარეობს (საქართველოს სსკ-ს 19-108-ე მუხლით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს