ვფიქრობ, მომავალი საკონსტიტუციო სასამართლო ნამდვილად ღირსეული გვეყოლება, - ამის შესახებ ფრაქცია “ქართული ოცნების“ თავმჯდომარე და ჩუღურეთის რაიონში მაჟორიტარობის კანდიდატმა გია ვოლსკიმ ჟურნალისტებს განუცხადა.

მისი თქმით, იმ გაუგებრობაში, რაც საკონსტიტუციო სასამართლოში ბოლო დროს იყო ლომის წილი გიორგი პაპუშვილს და „ნაციონალურ მოძრაობას“ მიუძღვის.

„ძალიან არაჯანსაღი ატმოსფერო ჩამოყალიბდა. დარწმუნებული ვარ და შემიძლია, დავადასტურო კიდევაც, ისევე როგორც არაერთ ჩემს კოლეგას განუცხადებია, რომ ლომის წილი ამ გაუგებრობებში, ამ მანიპულაციებში მიუძღვის გიორგი პაპუაშვილს და „ნაციონალური მოძრაობის გავლენას ამ ორგანოზე. ვფიქრობ, მომავალი საკონსტიტუციო სასამართლო ნამდვილად ღირსეული გვეყოლება", - აღნიშნა ვოლსკიმ.

დეპუტატობის კანდიდატი ასევე გამოეხმაურა პრეზიდენტის მიერ ირინა იმერლიშვილისა და გიორგი კვერვენჩხილაძის საკონსტიტუციო სასამართლოს მოსამართლეებად დანიშვნას.

"რაც შეეხება პრეზიდენტის მიერ დანიშნულ მოსამართლეებს, ირინა იმერლიშვილს უკეთ ვიცნობ, რასაკვირველია. ძალიან დიდი იმედი მაქვს, რომ ამ მონაცემების ადამიანი, ამ ინტელექტის მქონე ადამიანები პოზიტიურ წვლილს შეიტანენ ამ ინსტიტუტის გაძლიერებაში და იმ ატმოსფეროს შექმნაში, რასაც კანონიერების სადარაჯოზე დგომა ჰქვია”, - განაცხადა გია ვილსკიმ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს

ზახაროვა: თბილისმა მტკიცე და გააზრებული არჩევანი გააკეთა

საქართველოში პატიმრების უპრეცედენტო ზრდაა, - დემოკრატიის კვლევის ინსტიტუტი

კანიე უესტის კონცერტთან დაკავშირებით, მუნიციპალური ტრანსპორტი მგზავრებს გახანგრძლივებული დროით მოემსახურება