"რეგიონული განვითარებისა და ინფრასტრუქუტურის სამინისტროში შესყიდვების ნაწილში რომ პრობლემები არსებობდა,  ამაზე ვსაუბრობდით,  როცა გუნდის თანამონაწილენი ვიყავით",-ამის შესახებ ფრაქცია "თავისუფალი დემოკრატების" თავმჯდომარე  ირაკლი ჩიქოვანმა  ჟურნალისტებს ნოდარ ჯავახიშვილის განცხადების კომენტირებისას  განუცხადა.
მისივე თქმით, მისასალმებელია, როცა ამ პრობლემებზე დღეს "სამინისტროში  ბიძინა ივანიშვილის პირდაპირი წარმომადგენელი საუბრობს".
"რეგიონული განვითარებისა და ინფრასტრუქტურის სამინისტრო არის ყველაზე დიდი მხარჯველი ამ ქვეყანაში. ბიუჯეტის ყველაზე დიდი ნაწილი მოდის სწორედ ამ უწყებაზე. აღნიშნულ სამინისტროში შესყიდვების ნაწილში რომ პრობლემები არსებობდა ეს ჩვენ კარგად ვიცოდით და ვსაუბრობდით კიდეც მათზე, როცა გუნდის თანამონაწილენი ვიყავით. მისასალმებელია, როცა დღეს ამაზე საუბრობს ბიძინა ივანიშვილის პირდაპირი წარმომადგენელი ამ სამინისტროში. როგორც ჩანს, ვიღაცა ფიქრობს, რომ პრობლემები არსებობს. მათ მოგვარებას ჩვენ მზად ვართ ხელი შევუწყოთ, მაგრამ ყველა დანახარჯი, რომელიც უკანონოდ მიადგა ბიუჯეტს, უნდა იქნას შესაბამისად პასუხგაცემული",-განაცხადა  ირაკლი ჩიქოვანმა.
შეგახსენებთ, შავლიაშვილის  მოადგილე  ნოდარ ჯავახიშვილმა განაცხადა, რომ   ინფრასტრუქტურის მინისტრი ნაკლებად წარმატებულია. მან  მუნიციპალიტეტების მართველებზეც ისაუბრა და განაცხადა, რომ თუ დადასტურდა, რომ რაიონის  გამგებლები ტენდერებში არასწორად მონაწილეობენ და გავლენას ახდენენ მის შედეგებზე, ყველა ფაქტი გამოკვლეული იქნება: " გამგებლების თავები გაგორდება",-აღნიშნა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება