ჩვენს მიერ ხელმოწერილი დეკლარაცია არის მკაფიო სიგნალი - ძლიერი ევროკავშირი ნიშნავს ძლიერ ნატო-ს და ძლიერი ნატო ნიშნავს ძლიერ ევროკავშირს, - ამის შესახებ ევროკომისიის პრეზიდენტმა ჟან-კლოდ იუნკერმა ნატო-ს დეკალარაციის ხელმოწერის შემდეგ განაცხადა.

იუნკერის თქმით, ევროკავშირი სრულად შეასრულებს თავის ვალდებულებებს. 

„ჩვენი ქმედებები, ჩვენი რესურსები ავსებს ერთმანეთს. თუმცა დღეს ჩვენ გადავწყვიტეთ კიდევ უფრ მეტი გავაკეთოთ. ჩვენ უნდა გამოვიყენოთ ყველა ინსტრუმენტი. ეს არის ის სფერო, სადაც ევროკავშირი უნდ იყოს ამბიციური. გასულ კვირას ფედერიკა მოგერინიმ წარადგინა ევროკავშირის უსაფრთხოებისა და საგარეო პოლიტიკის გლობალური სტრატეგია, რაც ჩვენი პოლიტიკური ამბიციის მკაფიო დადასტურებაა. ევროკავშირი სრულად შეასრულებს თავის ვალდებულებებს. ბოლო 18 თვის განმავლობაში ჩვენ უკვე ბევრი გავაკეთეთ, ჩვენი სამუშაო გრძელდება. მიდმინარე წლის აპრილში ჩვენ დავიწყეთ ჰიბრიდულ საფრთხეებზე რეაგირების ჩვენი სტრატეგია, რაც მსოფლოს ცვლილების აღმნიშვნელია, როდესაც სამხედრო საფრთხე მრავალ საფრთხეს შორის მხოლოდ ერთ-ერთია. ევროკავშირი თანამშრომლობს ნატო-სთან განსაკუთრებით ჰიბრიდული საფრთხეების გამოვლენის კუთხით”, - განაცხადა იუნკერმა.

როგორც იუნკერმა აღნიშნა, ძლიერი ევროპული თავდაცვა ითხოვს ძლიერ თავდაცვით ინდუსტრიას.

„ეს შესაძლებელია მხოლოდ წევრი ქვეყნების ხელშეწყობით. მიმდინარე წლის ბოლოს ჩვენ გამოვაქვყნებთ ჩვენი თავდაცვის სამოქმედო გეგმას, რომელიც თავს მოუყრის ყველა ინსტრუმენტს, რომლის შეთავაზებაც ევროკავშირს შეუძლია”, - აღნიშნა იუნკერმა.

შეგახსენებთ, რომ ნატო-ს გენერალურმა მდივანმა, ევროკავშირის საბჭოს პრეზიდენტმა და ევროკომისიის პრეზიდენტმა თანამშრომლობის შესახებ ერთობლივ დეკალარაციას მოაწერეს ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი