მთავრობის ადმინისტრაციასთან იპოთეკით დაზარალებულები, სოციალურად დაუცველები და მათი უფლებებადამცველები საპროტესტო აქციას მართავენ.

როგორც "ექსპრესნიუსის" კორესპონდენტი ადგილიდან იუწყება, მათ ცოტახნის წინ ადმინისტრაციაში შეჭრა სცადეს, რასაც ხმაური მოჰყვა. სამართალდამცველებმა აქციის მონაწილეებს განუმარტეს, რომ შენობაში ვერ შეიკრიბებოდნენ. მთავრობის ადმინისტრაციის მისაღებში შესვლის უფლება მხოლოდ რამდენიმე ადამიანს მისცეს. კერძოდ,ადმინისტრაციის ფოიეში სხვებთან ერთად, "თავისუფალი თაობის" წევრები მჯდომარე აქციას მართავენ და პრემიერთან შეხვედრას ითხოვენ.

"პრემიერი ვალდებულია, თავის მოსახლეობას შეხვდეს. თავს იწონებს, რომ პროდასავლური ღირებულებებისაა. 2 თვის წინ პრემიერის სახელზე წერილები შევიდა, თუმცა არავის პასუხი არ მიუღია. ჩვენ არ გამოვრიცხავთ პროტესტის უკიდურეს ფორმას, შიმშილობას მივმართოთ", - განაცხადა "თავისუფალი თაობის" წევრმა ლადო სადღობელაშვილმა.

ადგილზე დიდი რაოდენობით სამართალდამცველია მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

როგორ შეცვალა ციფრულმა განვადებამ E-commerce გაყიდვები საქართველოში

საქართველოს ბანკი x Galleria Tbilisi - დააგროვეთ 10-ჯერ მეტი MR ქულა Amex ბარათით გადახდისას

„თეგეტა“ კავკასიის რეგიონში UD Trucks-ის ოფიციალური იმპორტიორი გახდა

გენერალური პროკურორი - კორუფცია ყოველთვის იყო, არის და იქნება