საქართველოს კულტურისა და ძეგლთა დაცვის მინისტრმა მიხეილ გიორგაძემ მთავრობის სხდომის დასრულების შემდეგ maroon 5-ის კონცერტის წინ არსებულ ხარვეზებზე ისაუბრა და აღნიშნა, რომ ხარვეზები ბევრად უფრო დიდი გამოცდილების მქონე ქვეყნებშიც კი არსებობს.

თუმცა, გიორგაძე მას მაინც პოზიტიურ გამოცდილებად განიხილავს, ვინაიდან ფიქრობს, რომ ამ გამოცდილების გათვალისწინებით, მომავალში კერძო სექტორი უფრო მეტად მოემზადება:

"ბათუმში ჯგუფ maroon 5-ის კონცერტის წინა დღეებში, ერთდროულად ძალიან დიდი მასის ადამიანების ჩასვლისთანავე, რიგებთან დაკავშირებით გარკვეული შეფერხებები შეიქმნა. რიგები იყო ასევე კვების ობიექტებთან, თუმცა მე პირადად, ამას პოზიტიურ გამოცდილებად განვიხილავ, ეს ის გამოცდილებაა, რომლის საფუძველზე, ყოველ მომდევნო ჯერზე კერძო სექტორი კიდევ უფრო მეტად მოემზადება. გარწმუნებთ, მე თავად ვარ მომსწრე, რომ საზღვარგარეთ ბევრად უფრო დიდი გამოცდილების მქონე ქვეყნებში, გარკვეული შეფერხებები ხდება, იგივე რიგებთან დაკავშირებით. გულუბრყვილობა იქნებოდა მოლოდინი გვქონოდა, რომ ყველაფერი იდეალურად იქნებოდა. ამ მასშტაბის ღონისძიება, ვიზიტორების მოზღვავება, ბათუმში პრაქტიკულად პირველად მოხდა", -  განაცხადა გიორგაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა და უკრაინამ ერთმანეთი სამდღიანი ცეცხლის შეწყვეტის შეთანხმების დარღვევაში დაადანაშაულეს

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება