სახელმწიფო უსაფრთხოებისა და კრიზისების მართვის საბჭოს მდივანმა, მინდია ჯანელიძემ ევროკავშირის საგარეო ქმედებათა სამსახურის კრიზისების მართვისა და დაგეგმარების დირექტორატის ხელმძღვანელს, გაბორ იკლოდს უმასპინძლა.

ორმხრივ შეხვედრაზე საქართველოში კრიზისების მართვის სფეროში განხორციელებულ რეფორმებზე, სახელმწიფო უსაფრთხოებისა და კრიზისების მართვის საბჭოს მომავალ თანამშრომლობაზე ევროკავშირის შესაბამის სტრუქტურებთან და ევროკავშირის სამოქალაქო მისიებში საქართველოს ჩართულობზე ისაუბრეს.

„ჩვენ გვქონდა ერთსაათიანი შეხვედრა სახელმწიფო უსაფრთხოებისა და კრიზისების მართვის საბჭოში, სადაც გაიმართა საინტერესო დისკუსია საქართველოს წინაშე არსებულ გამოწვევებზე, მექანიზმებზე, ინსტიტუციურ შესაძლებლობებზე, რომლებსაც იყენებს ქვეყანა არსებულ საფრთხებზე და გამოწვევებზე რეაგირებისთვის. ვთვლი, რომ უსაფრთხოების და კრიზისების მართვის სფერო ევროკავშირსა და საქართველოს შორის თანამშრომლობის დიდი შესაძლებლობებისა და პროგრესის საშუალებას იძლევა. მე ძალიან ვაფასებ მინდია ჯანელიძესთან გამართული საუბრის მნიშვნელობას. ჩვენს შორის თანამშრომლობა მომავალში კიდევგ უფრო გაღრმავდება“, - განაცხადა გაბორ იკლოდიმ.

მინდია ჯანელიძის განცხადებით, ევროპელი პარტნიორების მხრიდან კრიზისების მართვის სფეროში საქართველოში  ბოლო დროს განხორციელებული რეფორმები, უაღრესად დადებითად იქნა შეფასებული.

„საუბარი შეეხო ევროკავშირის სამოქალაქო მისიებში საქართველოს  ჩართულობას. ეს საკითხი ძალზედ აქტუალურია და  მნიშვნელოვანია ევროპის ერთიანი უსაფრთხოებისა და თავდაცვის პოლიტიკის სისტემაში ჩვენი ქვეყნის ეტაპობრივი ინტეგრაციის კუთხით“, - განაცხადა სახელმწიფო უსაფრთხოებისა და კრიზისების მართვის საბჭს მდივანმა.

შეხვედრას სახელმწიფო უსაფრთხოებისა და კრიზისების მართვის საბჭოს წარმომადგენლები და უცხოელი სტუმრები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით