ათენში საქართველოსა და საბერძნეთის საპარლამენტო მეგობრობის ჯგუფების შეხვედრა გაიმართა.

საქართველოს საგარეო უწყების ინფორმაციით, ქართულ დელეგაციას ფრაქცია „თავისუფალი დემოკრატების“ წევრი ვიქტორ დოლიძე ხელმძღვანელობდა, ბერძნულ მხარეს კი, მმართველი პარტია „სირიზას“ წარმომადგენელი გეორგიოს აკრიოტისი თავმჯდომარეობდა. საბერძნეთის მხრიდან შეხვედრას ასევე ესწრებოდა საბერძნეთის პარლამენტის ვიცე-სპიკერი გეორგიოს ვარემენოსი.

შეხვედრაზე მხარეებმა გაცვალეს ინფორმაცია საქართველოსა და საბერძნეთში არსებული პოლიტიკური და ეკონომიკური ვითარების შესახებ, განიხილეს ორმხრივი ურთიერთობების მიმდინარე საკითხები და დასახეს სამომავლო თანამშრომლობის პრიორიტეტები. ყურადღება გამახვილდა საბერძნეთის ერთმნიშვნელოვან მხარდაჭერაზე საქართველოს ევროინტეგრაციის მიმართ, აქცენტით, საქართველოს მოქალაქეებისთვის ევროკავშირში უვიზო მიმოსვლის დამყარებაზე.

ორივე მხრიდან აღინიშნა, რომ ამჟამად, საქართველოსა და საბერძნეთის ორმხრივი ურთიერთობები უაღრესად პოზიტიურად, დინამიურად და პროდუქტიულად ვითარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს