ევროპის საბჭოს ოფისში, ევროსაბჭოს საპარლამენტო ასამბლეის (PASE) დელეგაცია და ოფისის ხელმძღვანელი საქართველოში  ქრისტიან ურსე  ოპოზიციის ერთ ნაწილს  ხვდება.

როგორც პოლიტიკური ორგანიზაცია "სამოქალაქო ალიანსი საქართველოსთვის"  ხელმძღვანელმა ზურაბ ხარატიშვილმა ჟურნალისტებს განუცხადა, შეხვედრაზე  საქართველოში არსებულ გამოწვევებზე ისაუბრებს, რომელიც უპირველესად მომავალ საპარლამენტო არჩევნებს უკავშირდება.

ხარატიშვილის თქმით, ხელისუფლება ჯიუტად ცდილობს, საარჩევნო გარემოსთან დაკავშირებით არაფერი შეცვალოს:

"ჩვენ ვაპირებთ, ვისაუბროთ იმ გამოწვევების შესახებ, რომელიც დღეს არის საქართველოში, რა თქმა უნდა, უპირველესი არის მომავალი საპარლამენტო არჩევნები და ჩვენ ჩვენს შეფასებებს და ხედვებს წარმოვუდგენთ ევროსაბჭოს რეკომენდაციების ჭრილში, თუმცა ჩვენი შეფასებები წინასაარჩევნოდ, შეგვიძლია ვთქვათ, რომ არის საკმაოდ უარყოფითი. ჩვენ ვფიქრობთ, რომ იმ მოუქნელობით და იმ სიჯიუტით, როდესაც ხელისუფლება ცდილობს, არაფერი  შეცვალოს საარჩევნო გარემოსთან დაკავშირებით, ძალიან დიდი კითხვის ნიშნის ქვეშ აყენებს მომავალი არჩევნების ლეგიტიმურობას",-განაცხადა ზურაბ ხარატიშვილმა.

მისივე თქმით, ხელისუფლებამ ევროსაბჭოს არც ერთი რეკომენდაცია არ გაითვალისწინა:

"სამხარეო პროპორციული სისტემა და ის, რომ ყველა მხარე უნდა შეთანხმდეს საარჩევნო გარემოს პირობებზე-ეს იყო ევროსაბჭოს ორი უმთავრესი რეკომენდაცია, რომელთაგან არც ერთი არ შესრულდა", - აღნიშნა ზურაბ ხარატიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია