„მოგერინიმ კიდევ ერთხელ მკაფიოდ გაიმეორა, რომ  საქართველოსთან დაკავშირებით ყველას პოზიცია არის ერთი და ძალიან მარტივი“, - ამის შესახებ საქართველოს პარლამენტის თავმჯდომარემ  დავით უსუფაშვილმა  ჟურნალისტებს განუცხადა.

უსუფაშვილის განცხადებით, მოგერინიმ აღნიშნა, რომ  საქართველომ გააკეთა ყველაფერი, რაც უნდა გაეკეთებინა და დამატებითი წინაპირობები ვიზალიბერალიზაციის პროცესში მოსალოდნელი არ არის.

„ევროკავშირის უმაღლესმა წარმომადგენელმა უსაფრთხოების და საგარეო პოლიტიკის საკითხებში, ქალბატონმა მოგერინიმ კიდევ ერთხელ ძალიან მკაფიოდ გაიმეორა, რომ ის პოზიცია, რომელიც საქართველოსთან დაკავშირებით გამოხატა ევროპის კომისიამ, არის ძალაში, რომ ვიზალიბერალიზაციის პროცესში არა მხოლოდ მისი მხრიდან, არამედ კომისიის პრეზიდენტის - იუნკერის, საბჭოს პრეზიდენტის - ტუსკის, პარლამენტის თავმჯდომარის -შულცის, ყველას პოზიცია არის ერთი და ძალიან მარტივი, რომ საქართველომ გააკეთა ყველაფერი, რაც უნდა გაეკეთებინა, რომ დამატებითი მოთხოვნები, წინაპირობები ვიზალიბერალიზაციის პროცესში მოსალოდნელი არ არის. ამასთანავე, საკითხის განხილვას სჭირდება გარკვეული დრო. პარლამენტში კენჭისყრისას არ არის გამორიცხული, რომ ამა თუ იმ პარლამენტის წევრმა, თავისი პოლიტიკური შეხედულებიდან თუ სხვა რაიმედან გამომდინარე, სხვანაირად დასვას საკითხი, მაგრამ ეს არავითარ შემთხვევაში არ იქნება ევროპული ინსტიტუტების პოზიცია. ეს არის ძალიან მკაფიო გზავნილი, მათ შორის ყველასგან, მათ შორის ქალბატონი მოგერინისგან“, - განაცხადა დავით უსუფაშვილმა.

ამასთან, მისივე განცხადებით, იქიდან გამომდინარე, რომ განსახილველი საკითხი ბევრია, ევროკავშირში გადაწყვეტილებების მიღების კონკრეტულ თარიღებს ჯერჯერობით ვერ ასახელებენ.

„ევროკავშირს, დღევანდელი მდგომარეობით, ძალიან ბევრი სხვადასხვა საკითხი აქვს განსახილველი, მათ შორის ვიზებთან დაკავშირებული თემები ჩვენს მეზობელ ქვეყნებთან - თურქეთთან, უკრაინასთან. ჩვენ მივიღეთ ამ საკითხშიც ძალიან მყარი პოზიცია ევროკომისიის და ევროკავშირის სხვა ხელმძღვანელების, რომ საკითხები იქნება განხილული ცალ-ცალკე, შესაძლოა პროცესი იყოს პარალელურად, ანუ ერთი დღის განმავლობაში იყოს განხილული, მაგრამ ყველაფერს გააკეთებენ იმისთვის, რომ არ მოხდეს თემების გადაბმა და ერთი ქვეყანა დაელოდოს მეორე ქვეყანას და ასე შემდეგ. თუმცა, ობიექტურად, ვინაიდან თემები ბევრი აქვს ევროკავშირს, მათ შორის ევროპარლამენტს, კონკრეტულ თარიღებს და დღეებს ვერ ასახელებენ როდის მოხდება გადაწყვეტილებების მიღება“,- აღნიშნა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია