მთელი მერია ერთი ადამიანის კაპრიზებს და ინტერესებს ემსახურება, - ამის შესახებ „ნაციონალური მოძრაობის“ წევრმა ნუგზარ წიკლაურმა თბილის ბოტანიკური ბაღის გარშემო მიმდინარე პროცესებთან დაკავშირებით პარლამენტის პლენარულ სხდომაზე განაცხადა.

როგორც წიკლაურმა აღნიშნა, თბილისის ბოტანიკური ბაღი საქართველოს კულტურული მემკვიდრეობის ძეგლია, რომლის შექმნაზეც თაობები მუშაობდნენ. მისი თქმით, „ბიძინა ივანიშვილმა ბოტანიკური ბაღი არა თუ გაითავისა, არამედ მიითვისა“.

„სოლოლაკის ბაღს აქვს ძალიან დიდი ისტორია. მისი ისტორია ითვლის თითქმის 4 საუკუნეს. სხვადასხვა დროს ამ ბაღს ერქვა სეიდაბადის ბაღი, სამეფო ბაღი, ცოდნის წყარო და მრავალი მეცნიერი, რომელიც ჩამოდიოდა საქართველოში ინტერესდებოდა ამ ბაღით. ეს არის ისტორიული ბაღი ლეღვთახევში, წავკისის წყალზე და იყო პერიოდი, როდესაც მთელი მსოფლიოდან მცენარეები მოჰქონდათ აქ თბილისში, რათა შემდგომ მთელ ამიერკავკასიაში გავრცელებულიყო“, - განაცხადა წიკლაურმა.

მისივე თქმით, თბილისის ბოტანიკური ბაღის ოთხი ჰექტარი მერიამ ბიძინა ივანიშვილს მალულად გადასცა და ასევე ”საუბარია 29 ჰექტარ ტერიტორიაზე, რომელიც ივანიშვილმა უნდა მიისაკუთროს”.

 „ოთხი ჰექტარი თბილისის მერიამ ბიძინა ივანიშვილს მალულად გადასცა. ასევე საუბარია 29 ჰექტარ ტერიტორიაზე, რომელიც ივანიშვილმა უნდა მიისაკუთროს. მთელი მერია ემსახურება ერთი ადამიანის კაპრიზებს და ინტერესებს, მთელი მერია არის დაწყობილი იმისთვის, რომ გააყალბოს დოკუმენტები და მოახერხოს ისე, რომ ის, რაც საქართველოს ეკუთვნის, ერთი ხელის მოსმით, ერთ ადამიანს გადაეცეს. ეს ერთ-ერთი ყველაზე უფრო სამარცხვინო ნაბიჯია, რომელიც ხელისუფლებამ შეიძლება გადადგას”, - განაცხადა ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია